المشاركة الأصلية كتبت بواسطة Tota El Masry
كل عام و أنتم بخير أخوتي و أخواتي في أحلى منتدى في العالم
مصر موتورز
بأمر الله من عواده و على عرفات جماعة بأمر الله
أحب استفسر منكم بشكل عاجل عن الآتي:
أولاً- مش أول صيانة عند 5000كم زي ما خدمة العملاء قالتلي و لا إيه؟
ثانياً - لازم أعمل الصيانات في التوكيل و لا أي مركز معتمد قريب و إزاي آخد فواتير من المركز علشان لو احتجت التوكيل؟
ثالثاً - فرامل اليد بتنور و أنا ماشية أحياناً فبركن و أرفعها و أنزلها تاني كويس بتختفي ده خدعة و ل إيه بتحصل معايا لما العكاز بتاعي يكون جنب رجلي و يلمس الفرامل لمسة خفيفة كده عادي و لا فرامل اليد طارت لأني و أنا بمور مرة نطت مني ؟
أروح أصلح عند مركز معتمد و لا لو ظهر العيب ده تاني أروح التوكيل أضمن أنا حابة أروح الميكانيكيون بس محتاجة وصفة و يا ريت لو حد جرب المركز إللي في طريق اسكندرية بتاع خالد عمارة يقولي حلو و لا لأ عاوزة مركز محترم و مش بيطلصأ لحسن خلاص قربت أبيع لوجي من كثر مشاكلها ربنا يكفيني شر اللجوء للتوكيل في الحاجات الكبيرة لوجي لسه ما كملتش 700كم لأني من ساعة ما جبتها بخرج من مرض أدخل في التاني العين رشقت في لوجي و صاحبتها اللهم لا اعتراض
أختكم توتة المصري
|
بصي مبدايا بعيد عن اي حاجه
حاولي تحبي العربيه عشان تحبك
العربيه بتحس بكل حاجه صدقيني وطالما فكرتي في حتة البيع هي كمان مش حتبقي مبسوطه وهي ماشيه :D مبهزرش علي فكره
عشان شكلك بتزهقي بسرعه
كل اللي بيحصل ده يعتبر عادي متقلقيش
اي عربيه معرضه انه يظهر اي عيب في العربيه مع الاستخدام وده السبب الرئيسي اللي موجود علشانه الضمان
المشكله اللي عندك ممكن تكون حاجه من اتنين ياما زرار الهاند عايز يظبط ياما زيت الفرامل ناقص عايز يتزود
وكلها حاجات حتخلص في اقل من 5 دقايق ان شاء الله
ونصيحه خلي تعاملك مع التوكيل او مع الفروع المعتمده اللي بتقوم بدور التوكيل ولازم تكون معتمده من التوكيل
سيبيها علي الله
انا عندي لو قريتي التقارير حتلاقي اني لقيت حته في الاكصدام قشرت وحوديها بعد العيد تترش عادي مش زعلان حابب العربيه علي عيوبها هو ده اللي مخليني بستمتع بيها وبكل عيوبها
تقبلي تحياتي
