مساء الخير على كل الشباب
كل سنة وحضراتكم بخير
انا معايا byd من شهر تقريبا و قربت على 800 كم
بالنسبة للصاج ممكن يكون مش حلو قوى زى ما بعض الاعضاء بتقول
بس عايز اقول لحضرتك ان اول يوم ليا سواقة والله ميكروباص حك فى الاكصدام الخلفى بس الحمد لله بسيطة
معلش مع احترامى لكل الاعضاء و لحضرتك و دة رأى الشخصى
انا كنت عارف ان صاجها مش حلو و على فكرة زيها زى عربيات جديدة كتير زيها كدة
مش معقول انى ابص لصاج عربية و اسيب اهم حاجة الموتور و العفشة مثلا
هو مش ممكن اشترى عربية صاجها قوى و يتخبط من اول يوم اول اسبوع او شهر و مهما كان قوى لازم يطبق
او ممكن اشترى عربية صاجها ورق و احافظ عليها وربنا يستر و بعدين لو انت فى مصر هتلاقى عربيات زيرو و متجرحة و ضعف سعر byd
انا مع احترامى لحضرتك سيبت اهم حاجة فى العربية و بصيت لحاجات متعتبرش مهمة قوى لان كل العربيات كدة دلوقتى ورق
يعنى هل ممكن تشترى عربية بنفس تمن byd صاجها قوى بس فيها مشاكل كتير
فهل يا ترى هتختار اية -- بس مش معنى كدة انى بقولك اختار byd
انا ليا شوية ملاحظات عليها
بس انا قصدى لما تيجى تقارن عربية قارن على الحاجات اللى ملهاش حل و حلها يزعل فى فلوسة
شكرا و تقبل مرورى
و كل عام وحضراتكم بخير
