المشاركة الأصلية كتبت بواسطة Senior2007
السلام عليكم جميعا اولا الحكاية باختصار انا اشتريت عربية كيا سيفيا 2001 اوتوماتيك من فترة و بعد يومين من الشرا ظهرت معايا المشكلة دى كالأتى :.
تيجى تدور العربية ماتدورش علشان البطارية نايمة تدى البطارية وصلة كهربا و تدور و تمشى مشوار طويل من غير اى انوار ولا اى حاجة البطارية تشحن و فل الفل و تيجى تنزل تانى تدور عادى العربية تدور انما لو ركنت العربية يومين مثلا و جيت ادور العربية ماتدورش و ارجع اعيد نفس الكره تانى من الأول المهم رحت لكهربائى الناس كلها بتشكر فيه فى الدقى قالى العربية مافيهاش ماس و كشف و عمل كل حاجة ممكن تتعمل قالى هيا هتلاقى البطارية وحشة رحت جبت بطارية جديدة مشيت معايا اسبوعين زى الفل و بعد كده رجعت نفس المشكلة تانى رحت له تانى قالى بص بقى احنا هانجرب نفصل حاجة حاجة يمكن الكاسيت يمكن الأنذار اللى بيعمل المشكلة دى قلت ماشى شال الكاسيت و قالى جرب كده يومين و تعالى لى رحت انا فى نفس اليوم مغير الأنذار و جبت انذار جديد و بعد كده مشيت كويس كام يوم و نفس المشكلة حصلت تانى رحت له تانى قلته له اكشف على الدينمو كشف عليه قالى سليم و شحنه زى الفل مش عارف بقى المشكلة فين انا خلاص بصراحة جبت اخرى معا العربية دى لو حد يعرف الحل ياريت مايبخلش عليا بيه و شكرا .
|
كان عندي نفس المشكلة دي وفضلت معايا 15 يوم وكل صنايعي يشوفها يفتي شويه بس الحمد لله معملتش بالفتاوي دي كلها لانها تودي في داهيه واحد منهم قالي دي فيها غلط في تقسيمة الكتينة واللي يقول بطاريه واللي يقول ويقول بص يا باشا افتح الكبود وبص في صدر العربيه ناحية الشمال وانت واقف قدام الماتور حتلاقي فيشة سودا معرفش اسمها ايه بس هي دي مسئولة عن دوارة العربية وهي باردة الفيشة دي عشان بتركب لفوق كانت بتتزحلق عندي لان القفل بتعها مكسور شيلها وثبتها كويس كويس كويس