المشاركة الأصلية كتبت بواسطة tata33
بص ياعم حفناوى انا هشرحلك الحكاية
اولا ليه الناس بتخاف تجيب عربية رشة دواخل لان ده معناه ان العربية دى مشغولة يعنى اتفكت حتة حتة واتركبت تانى وطبعا ايدين الصنايعي عندنا مش زى الخواجة يبقى اكيد الاجزاء اللى اتحلت واتركبت مش ميه ميه .
طب لو رش الدواخل ده نتيجة ان العربية مركبة نص مثلا او ربع ده معناه ايه . معناه ان الكروسليه بتاع العربية بدل مايبقى حتة واحدة وملحوم بالذنب بتاع الخواجة اصبح ملحوم عند بلية السمكرى يعنى ممكن وانت بتجرى بالعربية وكلت مطب تلاقى الكنبة اللى ورا مش موجودة باللى راكبين عليها
ثانيا غير ده كله طالما ابعاد الكروسليه اتلعب فيه يبقى العربية عفشتها هتبقى وحشة وكمان البويه بتاعنا غير بتاع الخواجة لان البوية الاصلية بتبقى واخدة مواد تحتها تقاوم الصدا والبارومة وكده يعنى 
ثالثا اهم حاجة اعادة البيع يعنى لو حبيت تبيعها فى يوم من الايام هيبقى صعب جدا ارجو انى اكون وضحت رايى وربنا يوفق |
بصراحة انت جبت من الأخر ، و رأيي من رأيك