المشاركة الأصلية كتبت بواسطة حازم محروس
أعضاء المنتدى الكرام
معروض عليا تويوتا كورولا موديل1990 ـ 1300 سى سى ـ تكييف ـ سنتر ـ فابريكه دواخل
السؤال بقى : سعر السياره دى يعمل كام بالظبط ـ وبالنسبه لقطع الغيار ايه نظامها من حيث الاسعار والوفر ـ
ارجو الرد من سيادتكم سريعا ـ وشكرا لحضراتكم
|
مساء الفل
بص يا باشا عشان اكون صريح معاك العربية حلوة جدا و مريحة في سواقتها و عفشتها فعلا فوق الممتازة و موتورها معمول في الوقت اللي اتعملت فيه احسن مواتير في اليابان و بتعيش
انا عربيتي كورولا 1300 برضو بس موديل 99 جبناها موديل السنة و موتورها فضل معانا زي الفل لحد السنة اللي فاتت و عملناله عمرة
يعني تقريبا 13 سنة من غير مايفتح بقه
بالنسبة للسعر صعب اقولك لاني ماشفتهاش بس هيا اخرها 35 فانت شوف بقى على حسب حالتها هاتنقصهم قد ايه
قطع الغيار بقى هو عيبها لان قطع غيارها حاجة من اتنين يا اما متشابهة في كل موديلات الكورولا يا اما مقتصرة عالموديل ده بس
و لو وقعت في قطعة غيار من النوع التاني ده الموضوع هايبقى صعب........... حبتين
الموتور ماتقلقش منو بس لازم تعرف هوا عملها كام عمرة و اخر واحدة كانت امتى و مشي عليها كام كيلو
و الصاج سمكري شاطر يعرف يظبطلك اي حاجة و ان شاء الله مايحصلش حاجة
الزجاج لو كهربة قطع غياره و وحدة الكنترول اللي فيها زراير الزجاج و اللوك شبه مستحيل تلاقيها لانها باظت عندي و الازاز بايظ وتقريبا قررت اكسره في الحر ده هههههههههه
اتمنى اللي تشتريها تكون ازاز يدوي .......... نعمة وربنا
فوانيسها برضو صعب اوي تلاقيها
تكييف العربية ممتاز
العربية خفيفة و دة حلو في انها بتجيب سرعات عالية و معدل تسارعها حلو
بس مش حلو في انها مش ثابتة على السرعات العالية
انا جبت بعربيتي 190 و هيا عدادها 200 اصلا
بس كنت حاسس اني ريشة في هوا
و كونها خفيفة بيخليها في الدريفتات ماقولكش بقى هههههههه
عموما اسف عالاطالة واتمنى تكون معلوماتي مفيدة و ربنا يوفقك ان شاء الله