رد: بارومة فى الشاهين
معلش يا باشا العنوان مكانش واضح وانا بعد اذن حضرتك غيرت العنوان
وعموماً ياريت كلنا نتعود نكتب الموضوع الاول وبعدين نختار ليه عنوان من نص الموضوع نفسه
لان المنتدى كبير ماشاء الله والموضوعات بعنواين من نوعية مشكلة كبيرة والحقونى وكده ديه مكررة جداً ومحدش بياخد باله منها
بالنسبة لاستفسارك صاج الشاهين فعلاً سىء سواء كدهان ومعالجة او كلحام ومقاسات كمان
المفروض فى حالتك ديه انك تلحق تحاصر البارومة وتعالجها بسرعة قبل ما تكبر اكتر
والحاجة التانية انك تعرف سببها ايه لو من غسيل العربيه ابقى متغسلهاش كتير او لو من ركنة الجراج جرب تغير فى جراج مفيهوش رطوبة
واخيراً الحل العملى بيبقى بان السمكرى يقطع الصاج المصاب ويعمل رقعة صاج مكانة ويلحمها ويسويها بالصاروخ وباقى شغل الدوكو
اى حد يقولك هنعالجها بمادة ايه وهحطلها عازل ايه او معجون ايه متصدقش الباروما زى السرطان لو مسكت فى حتة لازم تتقطع
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|