رد: رابطة ملاك ومحبى السفينه فيات 132
الجمعه اللي جايه ان شاء الله كل سنه وانت والاعضاء كلهم طيبين العيد ان شاء الله تعالى
انا لسه كنت بفكر لو يوم الخميس القادم ( وقفة العيد ) انزل القاهره اشوف موضوع العازل اللي مدوخني ده(المناصرة والسبتيه وشارع كلود بك والجمهورية و نجيب الريحاني) و اشوف مصنع الاغطيه اللي كنت كلمتك عليه خلف مرور عبود (عاوز انقي خامه قماش كويسة ومتكونش غاليه) و اشوف سعر الشكمان المستورد اللي عند هشام لهيطه بالتوفيقية
والمفروض من اليوم لحد يوم الخميس اني اعمل الشغل التالي ( لو عرفت اخد يومين اجازة من الشغل ):
تظبيط تاكيهات العربية متوسط وقت الشغل المتوقع 3 ساعات
تغيير صلايب الكردان متوسط وقت الشغل المتوقع ؟؟؟
اصلاح و تحديد موقع الماس في تابلوه العدادات المتسبب بتكرار حرق مفتاح تعليه وتوطيه نور التابلوة
لان في الحسبان ان شاء الله تعالى بعد العيد بفكر اني لحم قواعد الكراسي الامامية لانها محتاجه الي اللحام واشوف هل ابدء في شغل السمكرة في العربية ( وعلشان كده اشتريت اسبريهات زنك صافي بنسبة 99% قابل للطلاء عليه علشان ازود العزل على مناطق السمكرة وباقى اجزاء العربية المعرضه للصدا والبارومه و كذلك بوتومين )
العمليه دي متوقف البدء بها على ظروف الجو وهل بدئت تمطر ام لا
وعاوز اغير كامل الشكمان بدايه من المشترك الي الذيل لان اصبح لا يصلح اصلاحه بعد الان وهو الان بينفس من عند المشترك والماسورة والعلبه ولا يصلح اللحام لوجود بارومه ف الصاج
وطبعا لو بدئت شغل السمكرة هكون لازم مجهز شغل العزل بتاع الصاج كله والصالون بصفه خاصه و اظبط التابلوة علشان تركيب التكييف والتشييك على فتحات التهوية في التابلوة وتركيب الكويل المخصص للعربية واجراء اي توصيلات تمهيداً لمرحله تاليه وهي تركيب باقي اجزاء التكييف
زي ما انتوا شايفين افكاري مشتته
|