المشاركة الأصلية كتبت بواسطة mada_sciencawy
أولا شكرا على ردك العاقل جداااااااااااااااااااااا
ثانيا كنت عاوز ابديلك بعض من مخاوفى فى الجراند بونتو
اول حاجه خايف منها هى ان العربيه بعد فتره الاقيها مش جايبالى سعر ودى حاجه انا لاحظتها فى كتير من العربيات الفيات عكس التويوتا اللى بتفضل ماسه سعرها لفترات طويله جدا جد جدا
ثانيا هل قطع غيار الجراند موجوده فى اماكن اخرى برا التوكيل زى التويوتا كده
ثالثا كنت عايز اسئل عن عفشه الجراند وهى الامتن ولا الياريس
شكرا جزيلا
|
بالنسبة لموضوع سعر اعادة البيع, فعموما العربية لسه حديثة فى مصر, و بالتالى لا يمكن أن نتوقع سعر اعادة بيعها حاليا,
لكن عموما سعر المستعمل كله بينزل دلوقتى, سواء كان منتشر و عليه اقبال أم لا, نظرا لشيوع أنظمة التقسيط المريحة جدا و التى جعلت معظم الناس يفضلون شراء الزيرو, و توقعاتى الخاصة أن أنظمة التقسيط هذه سوف تستمر و تنتشر أكثر فأكثر, مما سوف يعنى أن سعر المستعمل كده كده هيقع فى النهاية سواء كانت ياريس أو جراند بونتو, و هيبقى الفرق لا يتعدى الألف أو الألفين لو جيت تبيع بعد 4-5 سنين, لذا فلا أعتقد أن سعر اعادة البيع يشكل عامل مهما فى الظروف الحالية عند شراء سيارة ما.
قطع الغيار حاليا متوفرة فى التوكيل فقط على حد علمى, لكن برضو السيارة بدأت تنتشر و أعتقد ان تجار الفيات و ما أكثرهم سوف يبدأون حتما فى استيراد القطع الخاصة بها, لو لم يكونوا قد فعلوا ذلك بالفعل.
بالنسبة لموضوع العفشة فنحن لم نسمع عن مشاكل جمة فى عفشة البونتو و لا الياريس, لكن خد بالك أن السيارتين من نوع "السوبر مينى" و دفع امامى أى ان عفشتهم ليست مجهزة للخدمة الشاقة, أعتقد أنهم متساويين فى هذه النقطة, لكن عهدنا بالشركات الأوروبية أن عفشتها تكون أفضل من اليابانى لناحية التصميم و الثبات و التجاوب.