[tata33]

المشاركة الأصلية كتبت بواسطة ابو الشوق كاديلك يا سيدي الفاضل انا عارف حدودي في الكلام ، ولكن سيادتك اتكلم كلام غير منطقي بالمرة وغير مقبوووووول تماما خاصة وانت بتقول الثوااااااااااب اللي هناخده عشان انتخبنا مرسي هيضيع لو اتكلمنا علي الاوضاع المتردية ثواااااااااب ايه اللي بتتكلم عنه والذي زاد الطين بلة ان سيادتك بتحاول تقيس او تقارن بين مرسي والخلافاء الراشدين ( وسيدنا عمر ) رضوان الله عليهم وهذا ما لم ولن اتقبله منك فاعذرني ان كلام سيادتك اصابني بنوع من الاستفزاز والمفاجأة ولم استطع التحكم في اعصابي عموما انا لازلت اري اني لم اتجاز في حقك ومع ذلك يا سيدي الفاضل حقك عليا انت وكل الناس اللي حاسين بالاصلاحات العظيمة من ازدهار مادي الي الامان والنظافة .....الخ في عهد فضيلة الريس محمد مرسي:018A1D~1 46:: danceW7:

الاخ ابو الشوق اولا انا متشكر ليك على الرد الجميل لان المفترض ان احنا فى المنتدى اخوة وحبايب وبنخاف على بعض وبنقول النصيحة ( فى السيارات وغيرها ) بما يرضى الله
ثانيا انا مبقولش ان مرسى ملاك انما اخيرا بقى عندك رئيس عارف انه 4 سنين ومع السلامة ولو مشتغلش كويس هياخد على دماغه
ثالثا ان عمرى ماشبهه بصحابة ياعم انا قصدى ان الموظف النظبف لما بيروح حتة مليانة فساد بيتفقوا عليه الفاسدين هقولك على حاجة انا ليا واحد قريبى موظف ومحترم اوى نقلوه فى شركة جديدة مليانة فساد ورشاوى ايه على الاخر تعرف ساعة ماراح استلم الشغل اول يوم اتلموا عليه وقالوله براحة كدة خد بعضك واتكل على الله بدل مانلبسك مصيبة وفعلا خد بعضه وراح طالب نقله وقعد فى البيت والله لحد مالقى شغل فى شركة محترمة
اخيرا شكرا ليك ولكل الاعضاء المحترمين بس عاوز اقولك كلمة فى سرك انا دخلت امبارح على موضوع فى المنتدى اسمه التحايل الاخوانى لقيته حوالى 400 صفحة قعدت اقرا شوية صعقت من مستوى الحوار يانهار اسود دا بيحتوى الفاظ يعاقب عليه القانون ورحت خارج تانى مفتحتش بقى وقلت ياواد لحسن ابو الشوق يرد عليك بالطريقة دى احمد ربنا لكن انا مستعرب ازاى ادارة المنتدى سايبة الكلام ده
ومعلش طولت عليك