المشاركة الأصلية كتبت بواسطة mahmoud00
انا مع احلال الملاكى بس اخضاعها لسنه الصنع مش لحالتها بمعنى ان يتم تكهين السيارات اللى عمرها عدى 15 او 20 سنه دى لازم تتكهن مع احترامى لكل الاراء
|
معلش لو سمحت لى
أنا عندى سياره عمرها 30 سنه ( أولدزموبيل ريجنسى ) لكن حالتها مثل الجديده تماما و إلى الأن دوكو أو دهان المصنع لأنى بحافظ عليها لأنها ذكرى من الوالد الله يرحمه
إشتريت بعدها سيارتين الأولى BMW 520 i موديل 2005 و الثانيه جيب شيروكى الجديده 2008
و إلى الأن أفضل إستخدام الأولدزموبيل لأن كفائتها(بالنسبه لى) أحسن من الإثنين لكن ما يجعلنى أتركها حاجه واحده وهى ندرة قطع غيارها فى مصر و لازم أطلبها من بره
وطبعا حضرتك عارف القياده فى شوارع مصر كله بيخبط فى كله وكمان المطبات و الاسفت المكسر وده ماينفع معاه غير الجيب أو أى سياره عاليه
لكن سيارتى القديمه العجوزه أحلى فى كل شئ من حيث راحة و نعومة القياده خصوصا فى المسافات الطويله و كفاءة التكيف الرائعه و هدوء صوت الموتور.... إلخ
بالاضاف الى متانة الهيكل مقارنه بالجديد إنت راكب دبابه
أما مشروع إحلال الملاكى فأنا أرى المعيار هو حالة السياره و كفائتها هو الأساس وليس الموديل
أسف طولت عليك