السلام عليكم ورحمة الله وبركاته
دلوقت كلكم عارفين انى كنت بستخدم بنزين 80 مع الاكسيل
بس الله يسامحه اللى كان السبب اللى مخلينى مش لاقى بنزين 80 بقالى اسبوعين وخلصت الاحتياطى بتاعى
المشكلة دلوقت انها كانت شغالة مع ال 80 زى الفل
فلما ال80 خلص
اضطريت احط 92 وفولت التنك
وما ادراك على اللى حصل بعدها
الماتور بقى بيطلع دخنه سوده دليل على ان فيه بنزين متحرقش خصوصا فى الصباح اثناء التسخين
وانا مخنوق بصراحه من البنزين ال 92 واللى عمله فى العربيه
ونفسى ارجع لل80 تانى بس غصب عنى وفى نفس الوقت العربيه بتاكل بنزين جامد ومفيش فايده معاها
ومش عارف اعمل ايه فهل الكهربا المظبوطه على ال 80 تعمل كل ده ولا ايه بالظبط
وبصراحه مخنوق جدااا من اللى بيحصل لان العربيه فعلا كنت تحط ايدك على الشكمان تلاقى ايدك معرقه مايه
واللى انا فيه ده لا يسر عدو ولا حبيب ومش عارف اعمل ايه ياريت تيفيدونى