[borio1704]

المشاركة الأصلية كتبت بواسطة msr1192 ارجو الرد من الاخوه الافاضل في عربية واحد صاحبي راح لاكثر من ميكانيكي ومحدش عرف ايه المشكلة المشكلة العربية لما نزود المياه في القربة لغاية الماكس تمشي تمام ومفيش مشاكل لكن المياه تنقص للمنيمم بعد يومين او ثلاثة لو مشيت بيها على كده القيها سخنت الاعراض في اي وقت والعربية سخنة ودايرة المياه في القربة لو فتحتها القيها بتغلي وبتفور وهتخرج من القربة علما بان الزيت لا ينقص السحب لا يتاثر مؤشر الحرارة ثابت في المنتصف(اعتقد ان المنتصف 120لانها الماني) مفيش تاتليت مفيش اي مشكلة غير اللى ذكرتة احب اضيف نقطه في ميكانيكى من غير ما يكشف قاله دة جوان وش السلندر عشان فوران المياه علما باننى فتحت اكثر من عربية وهية سخنة والقي المياه بتفور وبتغلي كمان انا اللى اعرفة ان الجوان لو ضرب الزيت يخلط بالمياه او الزيت يقل على الاقل ارجو الافادة لان صاحبي راكن العربية وخايف يتحرك بيها

اسمحلي أن أعلق على كذا نقطة في كلام حضرتك.... بس بدون زعل

أولا.... الشكودا مش ألماني.. العربية دي تشيكي.. زي ما حضرتك عارف... وكون إن قطع غيارها تصميمها ألماني.. ده مش معناه إن العربية بقت ألماني

ثانيا.... أي عربية لما حتفتح القربة بتاعتها وهي سخنة حتلاقيها بتفور... لإن ببساطة دورة التبريد مضغوطة... والحركة اللي حضرتك بتعملها دي فيها خطر عليك... فبلاش تعملها تاني

ثالثا... غالبا .. فيه تسريب في دايرة التبريد في مكان صعب شوية... اكشف على العربية في كذا مكان في الدورة، واقترح عليك الأماكن التالية:

* علب الرادياتير (البلاستيك مع الألومنيوم)
* خراطيم الرادياتير مع الموتور
* خراطيم الدفاية اللي داخلة جوه التابلوه
* سربنتينة الدفاية اللي جوه التابلوه (لو لقيت الكابينة مبلولة من جوه)
* طلمبة المياه

الكشف محتاج إن العربية تبقى واقفة في مكان إضاءته قوية.. ويستحسن تستخدم كشاف.



...