مقابلة مصر موتور فرع الكويت الأولي
يوم 21/9/2009 الساعة 7:00 مساء
ابتدأ اللقاء بتليفون من محمد باشا ليا و بعد ما أيقينا ان المقابلة هترسي علينا احنا الاتنين و لا عزاء لل 50 عضو اللي من الكويت اللي قال عليهم ابو نورا تم النقاش حول مكان المقابلة و لم نتوصل إلي نتيجة فتم الاتفاق أننا نتقابل في أي مكان بعدين نقرر و نظرا لان فيه جيم كبير جنب بيتي و ليه مواقف كبيرة اتفقنا نتقابل عنده بما أنة واسع و قريب من بيت محمد باشا برضة . و في تمام الساعة السابعة تلقيت تليفون منة يفيد بوصوله و نزلت و قابلته.
بعد السلام و الذي منة قام محمد باشا بفحص سريع لعربيتي من حيث الحجم نظرا لأنه أهم أولوية عنده حسب ظروفه و للأسف طلعت العربية صغيرة و مش هتلبي رغباته. و تم التقاط عدد من الصور التي لم تكن واضحة بسبب الظلام و اتفقنا نروح مكان تاني فيه إنارة أحسن. و هنا طلب مني محمد باشا انو يقوم بتست دريف للعربية و قد كان و هو بقي يحكي لكم عن انطباعاته. و بعد الاختبار روحنا اتصورنا بعدين قعدنا في ستاربكس و هو اللي عزمني و اتكلمنا في مواضيع كتير و القعدة خدتنا و مشينا لما بلغونا ان المحل هيقفل
دي التغطية باختصار من وجهة نظري و مستني تغطية محمد باشا
و ادي الصور
الصورة في الباركينج مكان اللقاء
صورة اخري في الباركينج مكان اللقاء
صورة في المكان الافضل اضائة (امام لاباجيت فرع جمعية السالمية)
الصورة بعد تعديل الفلاش
صور السيارات من الخلف و يظهر فيها كيمو باشا
كيمو باشا مع الوحوش
انا مع الوحوش
صورة تجمعنا نحن الاتنين
طبعا الصورة ده انت عارفين مين اللي صورها........
صح ال50 عضو اللي في الكويت
في النهاية احب اقول اني سعدت بالمقابلة الصغيرة دي و كنت اتمني يكون معانا اعضاء اكتر و نبقي لمه حلوة و ان شاء الله الظروف نساعدنا و نقدر نحضر مقابلة كبيرة مع باقي الاعضاء في مصر
كان معكم شريف منسي
مراسل مصر موتورز , السالمية , الكويت