رد: <سؤال> أحسن موتور أوتوماتيك للبرايد
انا فكرت فترة فى الموضوع ده
وقلت بدل ما اغير العربية طب ما انا اقلبها اوتوماتيك و بالمرة اركب موتور منتشر
بس انا عايز اقول لحضرتك حاجة .. قطع الغيار اللى فى العربية كلها زى البرايد القديمة عدا كام حساس كدة و شوية حاجات بسيطة .. وهما موجودين الحمد لله .. اى نعم غاليين شوية بس موجودين .. وان شاء الله لما العربية تنزل مع وكيل تانى هيتوفروا اكتر و بسعر اقل
واى عربية فى مصر هتلاقى ليها كام قطعة غيار كدة غاليين و مش موجودين اوى بس ليهم بدايل - عدا العربيات المعتادة " فيرنا - لانوس - ...."
و بصراحة الناس فى التوكيل لحد دلوقتى عاملين اللى عليهم و زيادة
ولو مصمم على التغيير يبقى تبيع العربية و تكمل بال 8 دول و تجيب حاجة اوتوماتك من بابها احسن .. لان الفلوس اللى هتدفعها دى مش هتزود فى سعر العربية حاجة؟؟
ده غير ان تغيير الضفيرة ده من الحاجات اللى بتحتاج نايعى نضييف جداااا .. وده مش موجود بسهولة
عموما لو خدت اى خطوة ياريت تعرفنى عشان يمكن تطلع العملية رخيصة لان انا اصلا عايز ابيع العربية فعلا عشان اركب اوتوماتيك
ملحوظة : ممكن تجيب موتور و فتيس برايد 99 بس ده كربراتير
فى ناس قالت ان موتور الريو ال 1400 بيركب عليها برده
و بالتوفيق ان شاء الله
التعديل الأخير تم بواسطة Islam Samir ; 16-10-2012 الساعة 12:20 AM
|