[سيمون شحاتة]

أولا الف مبروك مقدما على قرارك ده.
و إن شاء الله اختيارك موفق
أنا عن نفسى حجزت العربيه من معرض أبو الفتوح الى فى مصر الجديدة يوم 30/9/2012 و تانى يوم للأسف اتصل بى مندوب المبيعات و بلغنى بأن خطة المصنع الشهر ده (أكتوبر) مافيهاش M11 خالص و لازم استنى لغاية اخر الشهر علشان اشوف خطة المصنع للشهر الى جاى.
طبعا انا اتضايقت جدا و ابتديت ادور عليها عند الموزعين المعتمدين ، الحقيقه لقيتها و بنفس السعر 72000 جنيه و فى واحد منهم قال لى لو حتدقع كاش ممكن انزلك 500 جنيه بس للأسف مالقتش اللون الى انا عايزه خالص و لما قلت خلاص اى لون و السلام رحت لموزع فى مصر الجديده و كان لونها اسود و انا مابحبهوش نهائى لكن قلت مش مشكله ، لكن تخيل لقيت العربيه عامله 150 كيلو - البطاريه نايمه - موديل 2012 رغم ان 2013 نزل - العربيه من جوه مش نضيفه خالص (مش مهم قوى يعنى) فطبعا قررت انى مش حاشتريها من بره التوكيل نفسه و حاستنى لغاية اخر الشهر لما اشوف اخرتها مع أبو الفتوح و ربنا يسهل.