[AbOnOrA]

انا كمان متضامن فى الاعتراض على عنوان الموضوع لان فيه تعريض بكل اعضاء المنتدى ولو حد جديد دخل الموضوع ده هياخد صورة سلبية جداً عكس الواقع

والواقع ده موقع اجتماعى زى مدونة زى الفيس بوك قائم على مشاركات الناس بتجاربهم وارائهم زى كل المواقع الاجنبية قبل العربيه وكل الناس بتقول ارائهم دائماً من وجهه نظهرهم
وعلى المستقبل (القارىء) انه ينتقى الاراء السديدة
وده مش صعب بيبان زى ما اتكلمت من اسلوبه ومن منطقيه كلامة ومن تقييم الاعضاء السابق ليه ومن موضوعاته السابقة وعداد الشكر اللى اخدة من الاعضاء وحاجات كتير هدفها برضو نميز الناس الاكثر خبرة من اللى بيفتو وبس

كمان اللى بيفتى ده مش لازم يكون عميل ومأجور ونيته وحشة وعايز يدبس الناس فى عربيات او يكره الناس فى عربياتهم
ممكن ببساطة يكون مخة على قدة ومعلوماته على قدة ودورنا ننصحله المعلومة

وعموماً طول تاريخ منتديات السيارات المصرية (حولى 6 سنين دلوقتى) والناس مختلفه على العربيات الصينى وهيفضلو مختلفين زى ما فيه ناس لسه مختلفين مابين قيمة اليابانى والكورى ومابين قيمة الاسياوى عموماً والاروبى وهتلاقى فى موضوعات المنتدى مناقاشات فيها تحيز ومناقشات تانية فيها موضوعية وديه طبيعة المواقع الاجتماعية

احنا كإدارة دورنا اولاً نقدم اكبر قدر ممكن من حرية التعبير وبنكفل حق الرد للجميع ولينا معايير تقييم بناء عليها بنميز الموضوعات القيمة بالتثبيق او التقييم ومن هنا بيتوجد التوازن