المشاركة الأصلية كتبت بواسطة mr_astra
اختى الكريمة hebawagdi5
الخطوات كالتالى
مشوار للشهر العقارى تعملى عقد بيع مسجل باسمك ....ولو ان العربية لانسر 99 ممكن يتكلف حوالى 300 جنية
تانى مشوار مرور العتبة تجيبى من هناك شهادة مخالفات بموجب عقد البيع المسجل الى معاكى او حتى التوكيل لو لسة ما عملتيش عقد بيع مسجل بس خدى بالك ان شهادة المخالفات صلاحيتها 15 يوم
تالت مشوار لمرور الجيزة وتروحى بدرى تعملى الاتى
تشترى نموذج فحص ونقل ملكية من الخزنة
تدفعى التامين الاجبارى تبع اى شركة تامين واعتقد ان السنة فى حدود 120 جنية وعلى حسب رغبتك عاوزة تجددى سنة او تلاتة
تروحى لعامل رفع البصمة
وبعدها تمضى شهادة صلاحية الطفاية
وبعدها مهندس الفحص بيمضى الورق كولة
تتجهى للشباك ومعاكى اصول الورق كولة ( عقد البيع المسجل- رخصة السيارة - شهادة المخالفات- نموذج الفحص - التامين الاجبارى ) + صور من البطاقة الشخصية + الرخصة+عقد البيع المسجل
وتدفعى الضريبة على حسب سنة او 3 سنوات
وتستلمى الرخصة بامر الله
فية بقى متغيرات ممكن تقابلك
ممكن مهندس الفحص يطلب منك مطابقة بصمة ودى بتتعمل على الورق بس
يعنى بتخدى الجواب اللى بيكتبة وبتروحى بية مرور العتبة بيختمولك وترجعى تانى مرور الجيزة
تانى متغير انك تخدى تصريح بدل الرخصة لاى سبب بقى واشهرهم الكمبيوتر عطلان او السيستم واقع او الملف مجاش
ممكن تفضلى معلقة النمر القديمة وممكن تغيرى النمر ملهاش معيار
|
شكرا لحضرتك على المعلومات الكامله و الرد السريع بجد الف شكر
..... انا دلؤتي فعلا فهمت المفروض اعمل ايه وابتدي منين بعد ماكنت متلخبطه جدا ....بس يااااارب ماقبلش اي متغير
