البوابة وحساس الماب
اولا صباح الخير عليكم وعلى المنتدى الجميل دة
ثانيا انا عندى مشكلة كدة العربية مش بتسحب الا لما ادوس جامد
ثالثا عداد الار بى ام بيهدى خالص لحد ماتفصل بس الكلام دة مبيحصلش الا لما العربية تكون مشيت مشوار كبير ووصلت للسخونة الطبيعية بتاعتها لكن عمرها ماتعملها وهى باردة ابدا
روحت للميكانيكى فقالى ان دة عيب حساس الماب الى فى صدر العربية وبعد كدة قلتلة (ان انا كنت بوديها لواحد ميكانيكى شاطر كان بيقولى ان دة مجرد تنظيف للبوابة وبعدين نضفها بالاسبراى فعليت المكنة وقالى هاتنزل للمعدل الطبيعى مع الوقت ولكن طبعا منزلتش الا بعد فترة طويلة) اول ماقولتلة الكلام دة قالى كدة كمان هاتجيب بوابة لان بوابة النوبيرا ممبتتنضفش بالسبراى وعن تجربة ولو نضفتها بالسبراى بتبوظ فكدة هو عايزنى اشترى بوابة وحساس اية رايكوا
ملحوظة العربية نوبيرا اوروبى مو 99 اوتو
ايضا عملى حل وقتى كدة انة خلع الفاكيوم بتاع اية انا مش عارف علشان يرفع الار بى ام والمكنة متفصاش بس بردة انا حاسس ان السحب مش قوى وقالى كدة هتاكل بنزين وفعلا بتاكل بنزين جامد انا اخدت 73 كيلو ب 8.5 لتر بنزين
ارجو الافادة علشان دلوقتى انا مش فاهم الفاكيوم الى لغاة دة خطورتة اية وعايز اعرف اجيب فعلا بوابة وحساس زى ما قال ولا لا
معاش اعذرونى انا طولت عليكم كتير بس انا فى حيرة مش عارف العمل اية؟
|