العربية ... قفزة للأمام
السلام عليكم
أنا عندى مشكلة فى العربية إحتار فيها العلماء و آيس منها الأطباء
العربية بتنط مع الغيارات, النهارده ركزت شوية علشان أعرف العيب دبرياش و لا فتيس و لا ..... و لاحظت إنها بتنط لما بزود بنزين حتى لو على نفس الغيار.
كنت ماشى عالتانى و الآر بى إم واطى (فى شارع غير ممهد) و بعدين طلعت على شارع مسفلت, لاقيتها نطت أول مزودت بنزين من غير ما آجى ناحية الفرامل و لا الدبرياج و لا الفتيس... مجرد زودت بنزين بعد ما كنت مشعّر عليه. لاقيتها بتفصل (كأن الكربراتير إتسد) و بعدين تروح نطه للأمام فجأه.
المشكلة دى لما بيكون الطريق واقف و العربيات ماشيه ورا بعضها سلانسية و بعدين نزود خفيف. ألاقيها بتنط و بخاف تخبط فى العربيه أمامى. (ربنا يستر)
عاوز أعرف إيه المشكله؟ دواسة البنزين مالها؟؟؟؟؟
روحت لكذا ميكانيكى بس محدش عارف حاجه
|