رد: اريد رد ضرورى بالله عليكم
الثلاثة بفتجيه وقهوجيه
مش كهربائية
الدينامو ممكن يكون بيشحن
بس شحنه ضعيف
يبقى البطارية هتموت منك تدريجيا
العيب القاتل فى الدينامو
انه يبقى فيه الروح ولكن مش قادر ياخد بايد البطارية
الشحن ضعيف اما مخدات او بوبينة او رولمان بلى ضعيف او شربونات او مثبت الجهد بيخرف او مثبت الجهد باظ او سيليكونات توحيد تالفة او بعضها
وتكلفة الصيانة والفك والاشتغالة قد تكلفة الجديد
ما تسمعشى كلام حد يقولك صلح الدينامو الا فى حالة انك هتصلحه بنفسك ( بناء على تجربة ليه فى مشكلة الدينامو )
لانك هتدفع اجرة لده وده وتشترى بدائل وقطع غيار داخلية وفى الاخر
يا اشتغل يا ما اشتغلشى
خليك فى السليم
انزل اسال على الجديد النوفى
وخلى بالك من المستعمل بيبقى شغال بس برده نفس المشكلة
شحنه ضعيف
وهيحاول يوريك انه تمام يقوم موصله بلمبه ويلف الطمبورة ويقولك شوف زى الفل
يبقى كلفت نفسك على الفاضى
الدينامو الجديد جديد وانسى اشتغالات ولاد العلم بتوع الاستيراد
الاستيراد ده مش استيراد ده استعمال خلع من عربية مصرية وبيضحكوا على الناس ويقولك استيراد الا من رحم ربك
واتمنى اكون أفدتك
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|