انا شفت الرابط اللي حضرتك جبته
الالتيما و الماكسيما تعتبر موديلات عاليه معتقدش بأي حال من الاحوال حيكون فيها مواتير 1600 سي سي
وبالتالي جماركها 135 % ...
الفكره كلها ان الصني المصري ده موديل قديم من الصني توقف انتاجه في اليابان من فتره
وبالتالي النيسان المصري التجميع المحلي عندنا مش موجود منها في السعوديه جديد او زيرو
النيسان صني الموجوده في مصر ده موديل قديم من سنه 2000
نيسان صني 2000
ابتدا تجميع النيسان صني موديل 2005 في مصر من 3 سنين تقريبا
نيسان صني المصري
وفي 2009 ظهر الفيس ليفت (تجميع محلي ) وهو اساسا فيس ليفت للنيسان صني نيو /بولسار من 2005
نيسان صني المصري 2009
وده رابط موقع نيسان مصر
http://www.nissan.com.eg/en/web/homepage/index.htm
عربيات نيسان الموجوده في مصر هما الصني (تجميع محلي ) - تيدا - بلوبيرد سيلفي
اما الصني الموجوده في رابط حضرتك فهي موديل مشترك بين نيسان و رينو و سامسونج الكوريه
واعتقد انها بتنزل من كوريا بأسم نيسان صني .. لأن مفيش حاليا في اليابان نيسان صني او حتى اي مسمى تاني بالشكل ده
http://en.wikipedia.org/wiki/Renault_Samsung_SM3
النيسان صني الجديده بقت البلوبيرد سيلفي .. و دي موجوده في مصر
http://en.wikipedia.org/wiki/Nissan_Bluebird_Sylphy
انا اسف اذا كنت اتكلمت كتير و دوختك معايا لكن نيسان فعلا شركه كبيره و موديلاتها كتيره و اسماء الموديلات بتتغير من بلد للتانيه
الخلاصه :-
لو حضرتك بتفكر تجيب عربيه نيسان من السعوديه وتكون موجوده في مصر وبمواتير 1600 سي سي علشان السعر و الجمرك و تكون نيسان ياباني يبقى حضرتك تفكر في التيدا ..
لأن على حد علمي البلو بيرد سيلفي ماليزي و الصني الحالي كوري او مصري !!
موديلات نيسان :-
وأسف للأطاله ptmnlo123per1106