[هانى عيسى حسان]

المشاركة الأصلية كتبت بواسطة بلاشانت 'طيب بعد اذنك ممكن تقولى الفرق الى انت شايفوا احسن فى الدايو ولا مجرد احساس وعلى فكره انا ممعيش لانوس اصلا بس ان شاء الله هجبها اول السنه زيرو لكن انا ركبت دايو 2005 اول لما كانت زيروا وفضلت معايا سنه وسافرت بيها شرم كتييييير قوى وركبت شيفروليه 2010 و 2011 ومحستش باى فرق ولا فى الاداء او التقفيل وفى الاخر ممكن انا اكون غلط وحضرتك صح............

كل قطع الغيار الموجوده على الموديلات الحديثه مضروبه اكتشفنا كده لما جينا نعمل صيانه وكمان خامه الفايبر والبلاستيك المكون منها العربيه تحس بفرق كبير جدا لما تيجى تفك حاجه من العربيه وده بقا احنا لمسناه لما فكينا مع بعض علشان نركب الانذار كان فى فرق واضح فى الخامات
وعلى سبيل المثال انا رحت علشان اغير اوسيل دريكسيون كان مرشح زيت خفيف جدا جدا وانا من الناس اللى مبتحبش اى ترشيح زيت خالص سواء كان يضر ام لم يضر المهم رحت علشان اغيره الراجل قالى عايز تغيره ليه قلتله علشان الترشيح اللى من عليه ده قالى يا باشا اومال لو شفت ال2010 وال2011 تعالى اوريك الدواسه بتبقى غرقانه زيت دا انت كده مش بتنزل زيت خالص بالنسبلهم ونصحنى بأنى مغيروش وخصوصا انه لما اخد العربيه وجربها لقا الدريكسيون مظبرط ومفهوش اى تغير
عموما انا قلت تجربتى مع المودلين ربما تكون حاله فرديه وربما تكون هى الاغلبيه ولكن الاختلاف فى الراى لا يفسد للود قضيه وانا سعيد جدا بالمناقشه اللى درات بينا واحترامى وتقديرى الشديد لوجهه نظرك برضوا وتقبل تحياتى:CONGRA ~238: