[mOuStaFa_ERTU]

المشاركة الأصلية كتبت بواسطة aimooo انت شايف كده يا قاضي ان العلايات افضل اصل مصطفي عاطف بيقولي ان العلايات زي قلتهم بيخلو صوت السماعات تعبان ولا العليات كويسه علشان لو كده اشتريهم مع السماعات وعندي الكاسيت تمام وخرجه كويس يعني فعلا القطع ده بتاع الفابريكا بس صح انا لاحظت انه ضيق علي السماعات البيضاوي اللي في السوق

بعد التحية ...
مع كامل احترامى للجميع بس على رأى احمد السقا فى فيلم افريكانو (( طالما وصلت لعلاج البايهم تبقى بتاعتى انا ))
وانا بقول بردة طالما هنتكلم فى عدد صوت يبقى انا اتكلم والكل يسمع هاهاهاها
ودة مش من فراغ دى خبرة اكتر من 8 سنين فى هندسة الصوتيات ومتنسوش انى مهندس صوت وبعمل استديوهات وبلاوى زرقاء

اولا الفتحات اللى عندك دى بتوع الفابريكا زى ما القاضى وضح
والعلايات دى زبااااااالة والله الا لو بقه موضوع الصوت ميفرقش معاك ومش سميع
ومستعد اوريهالك عملى
ودليل على كلامل عمرك ما هتلائى صندوق سماعات متقفل بلاستك

المشاركة الأصلية كتبت بواسطة محمدصلاح القاضى طبعا لو راكبين تمام ومفيش فرق بينهم وبين الفرش اللى الصاج هيبقوا تمام وقاضين الغرض لكن لو عاوز حاجه صح تبقى تسقطهم فى مكانهم وتجيب طبلة BASS وتسقطها جنبهم وحتت GM هتبقى تحفه والصوت خيالى وتلغى كل السماعات التانيه خالص هتخلى السماعتين البيضاوى على خارج من GM والطبله على خارج لوحدها وهتسمع الدبه تمام بس اهم حاجه تبعد السماعات عن الشمس لان عدوها الحقيقى الشمس بيخليها تزن ولازم يكون سلوك السماعات اى نوع غير النحااااااااااس ضرورى عشان هتسمع صوت الموتور فى السماعات لو التوصيلات نحاس

مع حترامى ليك يا قاضى ده لو لاحمهم فى صاج العربية برضة هيبقى صوتهم وحش ومين قالك ان السلك النحاس هيخلية يسمع زن ؟؟؟
اللى يعمل زن يا اما سلك البوجيهات مش مظبوط وفى الحالة دى يتغير او يجيب طقم عزل من اى بتاع قطع غيار ويركب على البوجيهات
او مش واخد ارضى كويس يعنى المشكلة فى التوصيل مش السلك

وبعدين ايه موضوع سماعات الطبلة دى ؟؟؟
بصراحة جديده عليا

المشاركة الأصلية كتبت بواسطة Hisham.Elgazzar انا مركب علايات عندى والصوت احسن واقوى من لما كان من غير علايات

هشام انت سمعت الصوت عندى ؟؟
لو سمعت هتعرف قصدى ايه

المشاركة الأصلية كتبت بواسطة aimooo يعني اتوكل علي الله واركب سماعات بعلايات والصوت هيبقي تمام طب سؤال يطرح نفسه هل يوجد علايات لسماعات طبلة ال BASS

والله يبنى انا اصلا مسمعتش عن ال طبلة دى قبل كده
بس كل شيئ جايز

المشاركة الأصلية كتبت بواسطة Hisham.Elgazzar مش هتحتاج علاية هتترمى فى الشنطة ورا الكنبة والجى ام هيتعلق فى ظهر الكنبة

فعلا البازوكا دى هتتحط فى الشنطة هى وال GM وعيش بقة