[borio1704]

الموضوع ده جامد جدا ومش عارف أنا ما شفتوش إزاي لحد دلوقتي

المشاركة الأصلية كتبت بواسطة truss انا شايف ان معظم الناس مختلفة على صلاحية استخدام موبيل دلفاك فى محركات البنزين مع انه المفروض مفيش خلاف , لييه ؟ عشان فى الصناعات و السيارات و المنتجات البترولية بتحكمنا المواصفات القياسية (standards) , و المواصفات القياسية دى ببساطة هى اللى بتحكم و بتصنف اى شئ تتم صناعته , يعنى مثلاً لو مسمار تم صنعه فى ألمانيا و صامولة تم صنعها فى مصر ايه اللى يخلى المسمار دة يركب على الصامولة دى؟؟ الاجابة انهم اتبعوا المواصفات القياسية فى تصنيع المسمار و الصامولة نشوف طاب مواصفات الزيوت فى السيارات , و انا هنا هقارن بين مواصفات Mobil delvac MX و المواصفات المطلوبة فى كتالوج اللانوس : 1- مواصفات ال API : فى اللانوس مطلوب مستوى خدمة SH او اعلى يعنى ممكن SL, SM , نيجى نشوف مواصفات موبيل دلفاك هنلاقيه بيفى بمتطلبات CI-4 , CH-4 , SL ,SJ ... اذاً يبقى الزيت متطابق من ناحية هذة المواصفة . 2- مواصفات ال SAE ( مستوى اللزوجة) : لزوجة موبيل دلفاك 15W-40 و هى من ضمن مستويات اللزوجة التى يصلح استخدامها فى الكتالوج بالنسبة للمناطق الحارة . 3- مواصفات ACEA ( و هى اختصار فرنسى لرابطة مصنعى السيارات الاوروبية) : فى الكتالوج مطلوب مواصفات A1, A2 , A3 و بالنسبة لموبيل دلفاك مكتوب انه بيفى بمتطلبات A3/B4 ,A3/B3 ... اذاً الزيت دة بيفى بمتطلبات السيارة دى . دة رأيى فى موضوع موبيل دلفاك و انا هنا بتكلم عن Mobil Delvac MX يعنى مش كل انواع موبيل دلفاك و انا عن نفسى مش بستخدم موبيل دلفاك فى العربية عشان ببساطة مرتاح على الزيت اللى بستخدمه

الكلام ده فيه الملخص المفيد... وهو تقريبا نفس الكلام اللي أنا قلته في موضوع قواعد اختيار زيت الموتور.. إزاي تعرف الزيت المناسب؟؟؟

المشاركة الأصلية كتبت بواسطة Hisham.Elgazzar نفسى أعرف ليه ماينفعش ؟؟؟

المشاركة الأصلية كتبت بواسطة Hisham.Elgazzar ماحدش عاوز يفهمنا ليه دلفاك بس نظرا لمعلوماتى المحدودة هقولك وجهة نظرى الدلفاك لوحدوا فى موتور بنزين ماينفعش لازم يتحط معاه الأبرو تقريبا لعدم التأكسد ولوجود مركبات كيمائية فى وقود البنزين مختلفة عن السولار لكن اللى عارفة ومتأكد منه انه الدلفاك أعلى قوة تحمل من أى زيت تانى وكمان وال MXIII بالذات خاص بالمواتير الجديدة المتربنة TURBO فالصراحة من وجهة نظرى هتبقى تركيبة هايلة

أنا أقوللك ليه يا هشام باشا...

زيوت مواتير الديزل (اللي عليها رمز C بس ) ما ينفعش نشغلعا في مواتير البنزين للأسباب التالية:

* ميزة زيت موتور الديزل إنه فيه خصائص تنظيف عالية عشان تنظف الترسبات ومكونات الكربون اللي بتطلع في مواتير الديزل أكتر من مواتير البنزين، ومواد التنظيف دي (عادة بتبقى مواد معدنية زي الزنك) بتقلل من كفاءة التزييت، والحكاية دي بتظهر قوي في المواتير اللي بتعمل مشاوير قصيرة وما بتلحقش تسخن.

* زيوت مواتير الديزل مش موجود منها زيوت خفيفة قوي، يعني مافيهاش زيت 0w30 مثلا، والزيوت دي ممكن تبقى مطلوبة في المواتير الحديثة عشان موضوع الخلوصات الضيقة اللي اتكلمنا عليه عشان الزيت يوصل لكل الأماكن الضيقة بسهولة، على عكس مواتير الديزل اللي المصممين بتوعها بياخدوا موضوع لزوجة الزيت ده في اعتبارهم ويعملوها بخلوصات أكبر شوية وحتى الرولمان بلي اللي بيركب بيكون أكبر شوية، ده غير إن سرعات دوران مواتير الديزل أبطأ من مواتير البنزين بشكل عام.

* لو انت معاك عربية سبور وعايز تقرص على موتورك ... ابعد تماما عن أي زيت موتور ديزل، لإن موتورك هيودع قريب قوي نتيجة التآكل اللي هيحصل بسبب إن الزيت مش بيعمل طبقة لزجة كافية على الأجزاء المتحركة... لإنه ببساطة معمول عشان ينضف قبل ما يكون بيزيت... ده حتى ممكن مواد التنظيف تعمل تآكل على الشميز والسبايك بالذات لو كان الموتور ده نسبة الانضغاط فيه عالية (زي معظم المواتير الحديثة اللي عايزة بنزين 92 فما فوق) أو لو كان فيه تربو أو سوبر تشارجر.

* أي زيت بيستهلك وينقص مع الاستخدام، ومواد التنظيف المعدنية اللي في زيوت مواتير الديزل بتطلع مع العادم وممكن تسد علبة البيئة بتاعة الشكمان.

المشاركة الأصلية كتبت بواسطة khaabas شوف ياهشام باشا من خلال المقارنة البسيطة قبل وبعد التجربة اولا لاحظت بعد التجربة بالرغم ان اللزوجة عالية ( لزوجة الزيت + الاضافة الابرو ) يعنى المفروض ان صوت الموتور يبقي هادي جدا لقيته العكس بمعنى في بداية الالف الصوت هادي بعد كده الصوت يعلى يعلي لحد ما بقي صوت العلو ملحوظ بمعنى اسوء من العادي والصراحة موش عارف ليه بس انا بارجحها بالمنطق ان الزيت موش متوافق بالفعل مع الموتور وزى مقال الاخ سمير تعليمات الصانع ثانيا " لاحظت ان درجة حرارة الموتور عليت بالرغم ان الابرو ينزلها لانه بيقلل من الاحتكاك والصراحة موش عارف افسر العلاقة بالظبط وبقصد من درجة حرارة الموتور ان لما اطلع ايدى من شباك العربية ( لانى موش بعرف اسوق الا كده ههههههه) لاحظت طلوع صهد حرارى شديد فكرني الكلام ده باول لما جبت العربية لما كانت في فترة التليين في النهاية دى تجربتى الشخصية ممكن تكون فروق فردية من عربية لعربية ممكن لذا ارجو التوضيح وانا بحثت فى منتديات اجنبية عن الابرو , STP لقيت ان فيه فريقين حول استخدامه للمواتير الحديثة او اللى موش بتاكل زيت لقيت الاكتر لا يرجح استعمالها ارجو الافادة ايضا

الأعراض اللي حضرتك وصفتها دي هي نتيجة طبيعية لإنك حطيت زيت موتور ديزل ... مش زيت موتور بنزين وديزل.... والموضوع بالنسبالي هنا مش اسم الزيت (دلفاك أو غيره... ميهمنيش) إنما مواصفاته هي اللي تهمني

زيت الموتور المخصص لمواتير الديزل لما تحطه في موتور بنزين بيبقى عامل زي الفلش اللي بيغسل كل الرواسب الداخلية، وممكن يكون بدأ يعمل تآكل في أجزاء تانية، وده اللي حصل معاك من ناحية الصوت العالي والحرارة (اللي فكرتك بأيام تليين العربية)



...