انا ركبته عندى فى اللانوس لمدة 6 سنين كانوا زى الفل هقولك على استخدام مهم ليهم استحالة ييجى على بال حد . مرة كنت فى اسكندرية وكنا فى الصيف يعنى اللى بيلاقى ركنة للعربية بيسجد سجدة شكر المهم مروح بليل الساعة واحدة ونص ومعايا الاسرة المهم وصلنا للشارع وكالعادة مش لاقى ركنة فقلت لهم اطلعوا وانا بقى ربنا يتولانى وفضلت رايح جاى فى الشارع ادور على خرم ابرة مش لاقى وزهقت وعايز اطلع انام لاقيت ركنة كده بس يادوب على قد العربية بالضبط طب لو دخلت هفتح الباب ازاى وجت لى الفكرة رحت ضابط العربية ستريت على الفتحة بالضبط ورحت راكن وبعدين رحت طالع بجسمى من الشباك وهوب نطيت على الارض وبعدين رحت قافل بالريموت العربية سوجرت والقزاز طلع وطلعت نمت