ستروين ax 95 بدورها فجاة مش بتدور
السلام عليكم اولا انا لسه شارى عربية ستروين ax 95 قعدت معايا اسبوع كويسة وبعدين بدورها فجاة مش بتدور والكنتاكت مكنش بينور رووحت شحنت البطارية ادلكو جافة بتاعة ساعه الاربع كده وركبتها العربية دارت واشتغلت كويس يومين كده وبرضه بدور مدارتش روحت لواحد تانى شحنها ساعة برضة كده وركبها اشتغلت مية مية 3 ايام وفصلت تانى الراجل كان قاس الدينمو اول لما جبت العربية وغيرت سير الدينمو قالى شحنة كويس المهم اشتريت بطارية جديدة امس وركبتها بس حاسس ان فى حاجه مش مظبوطة لما ادور بلاقى لمبة البطارية منورة لحد مدوس بنزين مرتين كده تطفى زى البطارية القديمة برضة كانت اللمبة بتفضل منورة لحد مادوس بنزين المهم النهاردة قولت اعمل حاجه كنت قريتها على المنتدى شغلت نور العربية الواطى ودوست بنزين النور كان بيعلى لما ادوس وحاجه كمان كنت مشغل نور الصالون وبفتح الازاز الكهرباء لقيت النور قل شوية وانا دايس على زرار الازاز وكذلك الساعة مش شغالة برضة مع انها كانت بتشتغل وتفصل فى البطارية القديمة يارب اكون قدرت اديك صورة عامه لانى مش بحب اسيب حاجه من غير لما اعملها فى العربية عشان ارتاح واسف جدا جدا على الاطالة
التعديل الأخير تم بواسطة AbOnOrA ; 23-10-2012 الساعة 05:42 AM
سبب آخر: توضيح العنوان
|