[borio1704]

التشميع بيحافظ على البوية لإنه بيعمل طبقة جديدة فوق البوية .. بس التشميع قليل قوي اللي بيعمله صح في مصر... يكاد يكون مفيش حد.. بس فيه أساسيات للحفاظ على البوية لو عملتها ممكن ما تحتاجش التشميع ده أصلا..

أساسيات الحفاظ على بوية الفابريكا هي:

* التعرض للشمس لمدد طويلة بيأثر على البوية... حاول تجيب غطاء عشان تقلل من تعرض البوية للشمس

* أوعى تغسل العربية تحت الشمس أو لو جسم العربية سخن... ده بيأثر على الورنيش الخارجي ويخليه يشقق

*لما تغشل العربية.. اتأكد إن مفيش ميه راكنة في الأبواب أو الشنطة وإن كل مجاري المية سالكة مافيهاش ورق شجر أو تراب متكتل.

* لما تيجي تغسل العربية... ما تجيبش عليها أي مادة بترولية... ميه وصابون بس.. المواد البترولية بتعمل زي مذيب للبوية.. والصابون لازم يتغسل كويس بمية عشان تشيل كل آثار الصابون.

* لو العربية جه عليها تراب.. يفضل تشيله بمنفضة ريش أو أي حاجة مشابهه قبل ما تمسح العربية... المسح المباشر بيعمل زي الصنفرة

* تلميع البوية هو ببساطة إزالة لجزء من الطبقة الخارجية للبوية... يعني صنفرة بس ناعمة قوي... ما تسمعش كلام أي حد يقوللك ألمعلك العربية.

* الجاز والحاجات دي بتلم تراب... ولما تيجي تشيله بتصنفر البوية... حاول ما تخليش حد يعملك الكلام ده تاني

* لو حصل إن البوية اتخدشت... أو حاجة تعملها تجيب مانيكير شفاف من بتاع الستات.. وتغطي الجزء المخدوش عشان الخدش ده ممكن يعمل بارومة أقوى بكتير من لو كان الصاج كله مكشوف.

* اقرا كتالوج العربية... هيساعدك كتير قوي

إن شاء الله كده مش هتحتاج ترش العربية قبل 7 سنين على الأقل



...