اولا اهلا بيك فى مصر موتورز وشاكر لحضرتك تواجدك ومشاركتنا التجربة المتميزة اللى قمتو بيها
شكرا لحضرتك
انا ليا بعض الاستفسارات اتمنى يتسع صدرك ليها
اولاً ايه المعايير اللى اخترتم على اساسها التصميم هل هو ذوق ولا فيه نسب معينة متبعة لان انا شايف التصميمات كلها نسبها ثورية شوية
التصميمات كلها مبنية على نسب حقيقية يمكن الصور اللى مش واضحة بدرجة كافية
احنا فى البداية عملنا دراسات لجميع انواع السيارات الموجوده وكل مجموعه اختارت مقاس ثابت للشاسيه اللى هتشتغل عليه لاننا هنلجأ لاجزاء ميكانيكية موجوده عشان كده كان لازم نشتغل على مقاسات موجوده وطبعا التصميمات كلها خضعت لاختبارات الايروديناميك
ثانياً هل مفردات التصميم (فوانيس - اكصدامات - شبك - اكسسوارات ) فعلاً قابلة للانتاج بسعر اقتصادى وجودة معقولة اذا انتجت محلياً ولا لاء
احنا فعلا قدرنا نعملها بس للاسف كنا بنقدم تنازلات كتير فى التصميمات اللى عاوزين ننفذها لعجز الامكانيات عندنا ،،لكن بأكد لحضرتك ان قسم التصميم الصناعى ده يعتبر تخصصه الرئيسى وللاسف محدش يعرف ده لان مجال التصميم الصناعى مش موجود فمصر وشغله كله بالخارج واحنا نعتبر اول تجربة لتعريف الناس بالقسم
ولو حضرتك بحثت عن مجالات التصميم الصناعى هتعرف قصدى وطبعا خارج مصر كلمة تصميم صناعى ليها مكانة تانية خالص اتمنى هنا نوصلها