معلش يا محمد اكيد مش مقصودة
بالنسبة bmw e36 موديلاتها من 1991 الى 1999 (9 موديلات سنين) وديه من اطول المدد فى انتاج السيارات عموماً وفى بى ام وده راجع للنجاح الكبير اللى حققته ونسب مبيعاتها
اما موديلات الام ثرى bmw m3 e36 فانتجها بداء من 93 بالمواتير ال 290 حصان وبعدين فى 95 بالمواتير 320 حصان وفضلت تنتج لحد اخر الموديل 99
ومن حيث انها عربيه كويسه فهى بين العربيات فى الدنيا عربيه رائعة وفى زمنها كانت من احسن العربيات بس المهم اللى انت هتشتريها هتبقى كويسه ولا لاء لان ممكن تجيب حاله تكرهك فى الموديل والبى ام كلها والعربيات كلها كمان
فاهم حاجة فى المستعمل وخاصة البى ام الحالة
وبالنسبة للاسعار فهى بتتفاوت طبعاً حسب الحالة والموديل والكماليات والموتور
تبداء من خمسينات لاوائل الموديلات 92 مثلاً المانيوال الفاضيه بحالات معقولة وده للسيدان
اما الكوبيهات بمواتير صغيرة بيطلب فيها من 70 - 80 واكتر لو موتور كبير واكسسوارات ام ثرى توصل لحد ميه ويجى بعدها لحد 130 الكوبية الكونفيرتبل (الكابورلية)
وتحت امرك فى اى استفسار
