رد: وزير المالية: سعر بنزين 92 خارج الكوبونات 3.25 جنيه و3 جنيهات لبنزين 90
استخدامي اليومي جوه المحافظة في الشهر يقضيني تقريبا 150لتر بنزين 80 وده على قد مشوار يومي لا يتعدى ال 20 كيلو 20× 30 = 600 كيلو متر شهريا داخل البلد
غير حساب السفر بين المحافظات يعني مثلا كل شهر سفريه القاهره مثلا ودي بملا التانك وانا مسافر ويخلص نصه ولما اجي اكمله
90 كيلو ذهاب + 90 كيلو عوده = 180 كيلو شهري خارج البلد
باجمالي 780 نقول 800 كيلو شهري
العربية متوسط استهلاكها ف السفر 15 لتر
يعني اظن مفيش استهلاك اخف من كده
و في داخل البلد بنستهلك الباقي
طبعا هنقول نستخدم المواصلات العامه والداخليه
هل المواصلات العامه والداخليه أدميه
اخو مراتي اتسرق وانضرب واترمى فى الصحرا اخر مره ركب فيها مواصلات بين المدن من المعهد بتاعه علشان يروح
نيجي لجوانب تانيه
مع تطبيق الاسعار دي للمحروقات
سندوتش الفول هيكون سعره كام؟؟
( عيش + فول + زيت ) دي مكونات سندوتش الفول البسيط مكوناته هتتأثر بتغير سعر المحروقات سواء بزياده تكاليف نقل المواد او تصنيعها
فبنقول سندوتش الفول اللي احنا بنفطر بيه الصبح سعره هيعلى
ده طبعا في وسط ان المرتبات زي ما هيا وهل المرتب الحالي للفرد كفيل بتحمل كل التداعيات دي؟؟
اشك
وان حصل ده فعلا موضوع زياده سعر المحروقات فقط دون النظر لجميع الجوانب ابشركم بانتظار بثورة الجياع
|