بسم الله الرحمن الرحيم
اولا بشكر جدااا ناقل الموضوع على تشجيعه واهتمامه
وانا قريت مشاركاتكم جزاكم الله خيرا
طبعا فى مشاركات بتشجع ومشاركات بتنقد
مبدئيا ضعف الامكانيات والتشجيع فى مصر كلنا عارفينه مش محتاجين نتكلم عنه
انما لو استسلمنا زى ما البعض قال ومستحيل يبقى فى تصميم مصرى او صناعه مصرية ده غلط طبعا
انا هرد على النقد الاول واقول ان على الاقل احنا عملنا اللى قدرنا عليه وربنا عالم وكل اللى شافونا اثناء المشروع مفيش حد فينا تكاسل برغم كل الضغوط والعقبات اللى واجهناها
المشروع ليس تعديل لسيارة بل تصميم وتنفيذ (مع العلم ان تخصصنا تصميم شكل خارجى فقط) لكن اصرينا ننفذ بقدر المستطاع والحمدلله اننا قدرنا خاصة ان كل سيارة قام بعملها 5 افراد طلاب بخبرتهم وامكانياتهم الذاتية بدون اى دعم او مساعدة
استمرت مرحلة التصميم حوالى 3 شهور حتى تم اختيار التصميم المناسب من عدة بدائل
والتنفيذ فى 4 شهور فقط شغل متواصل 24 ساعه بدون راحة
والتكلفة اقل بكثير من تكاليف صناعة السيارات العالمية خاصة اذا تم تصنيعها بخط انتاج
وفعلا لاننا فمصر ،،السيارات تم التحفظ عليها فى الكلية وللاسف فى مدخل الكلية بدون اى اهتمام حتى اصبحت كما قال احد المشاركين اشبه بالخرده لان محدش هيحافظ على حاجه الا اللى تعب فيها وحاسس بقيمتها
اظن الآن المفروض نقول ياريت كلية الهندسة قسم ميكانيكا يتعاون مع قسم التصميم الصناعى بكلية الفنون التطبيقية لتكون الخطوة الثانية لصناعة سيارة مصرية كامله 100%
اعتذر عن الاطاله وانا تحت امركم لاى استفسارات