[asom_6]

المشاركة الأصلية كتبت بواسطة بلاشانت على فكره موضوع جهاز الانذار ده اونطه لا امان ولا حاجه هقولكم اذاى لو انت حبيت تسوق عربيتك وانت ممعكش الريموت ينفع هتفتح الباب بالمفتاح عادى والعربيه هتزمر السرينه العبيطه بتاعه لعب الاطفال دى فانت كل الى هتعمله هتحط المفتاح فى الكونتاكت وهتقوم عامل كام خطوه كده مع بعض وفى اجهزه بتحتاج تستخدم الزرار الى اتكلمت عليه قبل كده انا مش هينفع اشرحها علشان مكنش سبب فى سرقه عربيات بعدها السرينه هتسكت والكنتاكت هينور ودور وطير يا برنس وفى طريقه تانيه اسهل بكتيييييييييييييييييييييي ير وبتحتاج نص دقيقه فقط لابطال جهاز الانذار

الطريقة الأولى مشروحة فى الكتالوج علشان لوضاع الريموت او باظ تعرف تشغل عربيتك بالمفتاح وتلغى الأنذار ... بس طبيعى محتاجة يكون معاك المفتاح.

أيه هى بقى الطريقة التانية اللى بتتعمل فى نص دقيقة دى ... قلنا على فكرتها يمكن نشوف حل ونفاديها بشكل ما .... عموماً كلامك مظبوط فى نقطة ان الانذار اساساً لعب عيال دلوقت واصلاً الناس اتعودت على صوته لانه بقى راكب على كل العربيات تقريباً وحتى الموتوسيكلات , يمكن أأمن طريقة مادية تقدر تعملها انك تشيل واحد من الفيوزات اللى فى علبة الفيوزات تحت الكبود خصوصاً بتاع طلمبة البنزين لانها مش هتدور ومحدش هيفهم ايه السبب والحل ساعتها انه يقطر العربية كلها.
على فكرة انا مركب الأنذار علشان استفيد بالريموت ووحدات الرفع ... لأنى كتيييير جداً بنزل وانسى الزجاج وبتبقى رخمة قوى انك ترجع تانى تفتح الكونتاكت وترفع الزجاج ... بالريموت دوسه واحدة والسيد وولف يرفع الزجاج ويسنتر البيبان ويبقى كله تمام التمام
الميزة التانية تشغيل الانتظار مع فتح اى باب من الابواب الاربعة
بالنسبالى هما دول الميزتين الوحيدتين لجهاز الوولف باشا