[borio1704]

المشاركة الأصلية كتبت بواسطة M.TONSY اهم نظام وهو ستر المولى عز وجل ( قل لن يصيبنا الا ما كتب الله لنا هو مولانا وعلى الله فليتوكل المؤمنون ) ارادة الله فوق كل شيئ والحذر لا يمنع القدر

مفيش شك إن إرادة ربنا فوق كل شيء

بس ربنا قال برضو: "ولا تلقوا بأيديكم إلى التهلكة"

للأسف إحنا كمسلمين فاهمين مسألة القضاء والقدر بصورة مش صحيحة، أنا قابلت ناس كتير قوي الموضوع ده مش واضح عندهم... بما فيهم أنا نفسي لحد وقت قريب قوي

بس فكر فيها كده... إزاي ربنا هيحاسبنا في الآخرة على حاجة مالناش فيها اختيار؟؟؟؟

ربنا هو العدل... ولا يمكن يحاسبنا إلا على اختياراتنا


الموضوع كده يلخبط


ولا يلخبط ولا حاجة... الحل في الآتي:

ربنا كتب لنا كل الأحداث والمواقف اللي "ممكن" تحصل لنا في حياتنا، واحنا لينا الاختيار إننا نتصرف كما نشاء.. وأي حاجة هنعملها أكيد هتبقى من المكتوب لينا

مثلا... لو انت سايق عربيتك.. وقدامك عربية ماشية بالراحة وانت عايز تعديها، فحضرتك عندك اختيارات... يا إما تديله كلاكس أو نور... أو تستنى لحد ما يوسع لوحده.. أو تعديه من اليمين... أو اختيارات تانية حسب الموقف.... كل الاختيارات دي مكتوبة، ونتائجها بعد كده تعتمد على اللي كاتبه ربنا لينا، وكل نتيجة ليها كمان اختيارات تانية حسب الموقف.. وهكذا

ربنا لما يحاسب الإنسان بيحاسبه على اختياراته

أكيد في مواقف تانية مكتوبة مالناش فيها اختيار، بس برضو اختيار طريقة التعامل معاها ترجع للبني آدم، وأي طريقة تعامل هتبقى من المكتوب لينا.


التفكير بالطريقة دي هيوصلنا لكذا حاجة
1- قدرة ربنا وحكمته في تقدير كل شيء ممكن يحصل.. وده فوق مستوى تفكير البشر
2- إننا لازم نفكر ونختار نحسن التنفيذ، ونسيب النتائج على ربنا، وهو ده المعنى الحقيقي للتوكل




...