[borio1704]

المشاركة الأصلية كتبت بواسطة Toyota Corolla أنا جبت العربية من غير كتالوج يمكن عشان هى خليجى مبينزلهاش !! ولو المصريين هيتبعوا سياسة الاستخدامات الشاقة مع تغيير الزيت كان زمانهم بيغيروه كل يوم هههه ، أنا دخلت على اللينك اللى انت حطه و عرفت حاجة كان نفسى أعرفها و اللى هى ال SF و SL و SJ و الحجات ديه و ان كل ما الحرف اللى بعد الS تريتيبه تأخر فى الأبجدية كل ما نوعية الزيت كانت أفضل و خصوصا للسيارات الحديثة و أنا الزيت اللى بستخدمه SL و شكرا على الاضافه

مفيش عربية ما بينزلش معاها كتالوج... يمكن اللي باعلك العربية طمع في الكتالوج... مش عارف إيه الحكمة في الموضوع ده؟؟؟

عموما.. كتالوج الكورولا موجود على النت في موقع تويوتا الأمريكي... طبعا أمريكا مش نفس مواتيرنا ولا جونا... بس اللي مكتوب فيه إنك تحط زيت تويوتا الأصلي، واللي لو رحت التوكيل في مصر هتلاقي رمز الخدمة بتاعه SL.

يبقى حضرتك لو عايز تحط زيت وتقعده في العربية لازم رمز الخدمة بتاعه مايقلش عن SM أو SN، ويفضل يكون تخليقي... عشان ما يتحللش بسهولة وتقعده في عربيتك وانت مطمن



بس خلي بالك... في الكتالوج مكتوب حاجة مهمة قوي... إن الموتور بيستهلك زيت ، ومعدل الاستهلاك يعتمد على لزوجة الزيت وطريقة السواقة

بمعنى... إن كل ما كان الزيت خفيف زاد استهلاكه... وكل ما كان الموتور بيدور بسرعة عالية (قيادة رياضية) برضو استهلاك الزيت بيزيد

وحسب المكتوب في الكتالوج... معدل الاستهلاك ممكن يوصل إلى واحد لتر كل ألف كيلومتر (كنير قوي!!!!!!) في حالة الزيت الخفيف قوي (0W20) مع القيادة الرياضية.
طبعا... ده في أمريكا، والحالة عندنا مختلفة لإن الزيت عندنا أتقل بكتير.

بس لو عايز تقعد الزيت في العربية... لازم تتابع حالته باستمرار... وتزود زيت كل فترة.



...