[Hisham.Elgazzar]

المشاركة الأصلية كتبت بواسطة zaraki اهو كيفى كده ...... عبارة مستفزة من اصحاب العقول المغيبة .... من كام يوم كنت مسافر من الاسكندرية الى القاهرة و فى الطريق لقيت سواقين النقل الثقيل محتلين الحارة الشمال بمنظر يغيظ و المشكلة الاكبر انه غالباً يا بيبقى ماشى بطئ يا ماشى سريع جداً ... كنت ماشى على سرعة 100 و فى واحد ماشى فى الحارة الشمال بمقطورة و ماشى بسرعة بطيئة اديله نور عالى يدينى إشارة شمال !!! انا أفتكرت ان فى ملف قريب فاحبيت اتأكد فتجاوزته من اليمين مع انه غلط بس مفيش حل تانى و فضلت ماشى فترة طويلة و مفيش اى ملفات قابلتنى .... المهم ما علينا تكرر نفس الموقف ثلاث مرات فى اقل من نصف ساعة بنفس طريقة التنبيه و نفس الرد المستفز إشارة يمين مع تجاهل تام فقولت مبدهاش بقى ضرورى نعرف الناس دى بتعمل كده ليه فضلت وراه اديله نور عالى مع كلاكس لحد ما زهق وفتحلى الحارة الشمال فجينا عند تحويلة فجيت جانبه و بقله امشى على اليمين ياريس انت سايق مقطورة و بتمشى بطئ خليك على اليمين و متعطلش الطريق لقيته بيقلى (اهو كيفى كده ) تحب تيجى تسوق انت ؟ .. كان رد مستفز جداً كان نفسى اخد رقم العربية و اقدم فيه بلاغ بس للأسف معيش اى دليل يسبت كلامى .... السواقة بقت بالدراع حتى فى طرق السفر مش عارف بقى الواحد يدور على طياره ولا يجيب منطاد ولا ايه الحل مع الناس دى

اوعى تعتب على بتوع المقاطير ربنا يكفيك شرهم سيبه يبرطعحتى لو ماشى فنص الطريق
ودايما ابعد عنهم

اللى عرفته عنهم بقى يا انهم مش بيستخدموا فرامل العربية غير فى الطواااااااارىء فقط يعنى اساسا ماشى من غير فرامل يدوب بيهدى بالفتيس ويغيرنقلات وبس
عشان كده لما بيمشى مابيصدق ان العربية تمشى ومش بيبقى عاوز حاجة توقفه
وأى حاجة جنبة او قدامه مالهاش غير السارينة المجنونة بتاعتهم

دى وجهة نظرى واللى بشوفه من واقع على الطرق ، حتى سواقين النص نقل عاوزين يتعلموا الأصول