[محمد عبد الفتاح الكومى]

السلام عليكم ... أولا \\\ صحيح الشركات بتعلن فى الغالب عن الهورس باور إللى بينتجه الموتور لوحده يعنى منفصلا عن العربيه لكن مش الكل وإن كان المعظم للأسف .. إللى هو بيطلق عليه النت هورس باور والجروس هورس باور ويجب عند الشراء الإستفسار عن الموضوع ده طالما هو ذو أهميه كبيره عند حضرتك والحقيقه إنه مهم فعلا فلازم سيادتك تعرف رقم الهورس باورالمعلن ده نت ولا جروس .. ثانيا \\\ بالنسبه لموضوع التباين بين القدرات الحصانيه لمحركات السعه الليتريه الواحده فده يرجع لأسباب كتيره فى رأيى المتواضع منها مثلا زى ما العضو المحترم ما قال التكنولوجى بتاعة الموتور بتفرق للأعلى أكيد وكمان وزن العربيه وفى حاجه كمان إن الشركات مش كلها لها إستراتيجيه واحده فى مجال إنتاجها لمحركات عربياتها فمثلا للتوضيح الموتور ال12 سلندر إللى راكب فى الرولز رويس الفانتوم على سبيل المثال قوته موجهه فى المقام الأول للإندفاعيه السلسه وإللى بتشتهر بيها الرولز مع ثقل وزنها الرهيب فتشعر عند التحرك بها وكأنها تتهادى وبلا أى مجهود محسوس او حمل على السياره حتى ولو بالبلدى كده طلعت بيها على التانى ... ومن ناحيه تانيه بتشوف محركات 12 سلندر برده فى سيارات أخرى كالرياضيه مثلا بيكون توجيه قوة الموتور هنا للسرعه أو لزمن تسارع العربيه علشان أكون أدق ...على قدى بأه معلش وسامحنى لو ما لقيتش إللى بتدور عليه عندى .