رد: تقسيط السيارات الإسلامي بنظام المرابحة من بنك مصر للمعاملات الإسلامية
بص ياباشا مع احترامى الشديد لحضرتك
اولا انا كنت شغال فى بنك
وبالنسبه لمساله بنوك اسلاميه دى اشك
واخيرا فى اساسيات العمل فى البنوك انها لاتعمل بالتجارة يعنى من الاخر
حضرتك بدل ما تاخد قرض من البنك وتشترى السيارة لا انت بتحط فلوس وتجيب عرض اسعار
وقال يعنى البنك بيشترى العربيه وبيقسطها لك وده حلال
بص الشروط الحرام
اولا لازم تحط مبلغ جديه شراء يعنى دفعت قبل ما تشترى من الجهه اللى ما عندهاش السلعه
ثانيا بيفرض عليك تامين شامل على العربيه وده حرام من غير كلام
ثالثا بيعمل حظر بيع وده حرام لان من شروط البيع التملك مش تبيع لى السلعه وتبقى مالكها
واخيرا مفيش بنوك تعمل فى التجارة تعمل فى الاموال فقط
لو عاوزنها تبقى حلال تبقى كالاتى
البنك يشترى مجموعه عربيات من كافه الانواع وتدخل مخازنه وبعدين يعرضها على العملاء بالتقسيط
وياخد الضمانات اللى هوة عاوزها بدون تامين بدون حظر بيع
ومع احترامى الشديد لحضرتك بس انا بحب انصح لاننا كلنا اخوة فى الاسلام
وكمان موضوع الربا موضوع شائك وكتير من الناس بتقع فيه علشان مش لاقيين غير الربوى فبيدوروا
على اى حاجه تقضى المصلحه ويكون تحتها كلمه == اسلامى==
|