اخواتى فى الله -أنا والله حاسس بيكم وبحبكم كلكم فى الله
بس لو عايزين نصحتى مفيش حاجة هتتغير والبلد دى هاتفضل كده والعمر هايعدى واحنا لسه بنندب لان الدنيا كلها ابتلاء ..قولوا حسبى الله ونعم الوكيل وحاول يا اخى انك تشوف امكانياتك ايه وابدء من خلالها وصدقنى والله ربنا هايكرمك لان لكل مجتهد نصيب( قل هل يستوى الذين يعملون والذين لايعملون).. والله العظيم انا ابتليت ابتلاء شديد جدا بس موقفتيش ومازلت بحاول ويمكن تلاقى فى تجربتى فايدة لك.فانا من اسرة فقيرة
1- والدى توفى وانا صغير حتى لم اره ووالدتى هى التى راعتنى ..اتخرجت من كلية تربية(قسم لغة انجليزية) ولم اجد شغل
2-اشتغلت فى المطاعم باليل وبالنهار مشرف نظافة فى الشوارع (تخيلوا !!!)
3- ثم اشتغلت فى بازار سياحى بياع بالنهار وباليل مدرس دروس خصوصية بشهادتى
4- اتغربت فى شرم الشيخ2 سنين بعيد عن زوجتى واطفالى ثم خدت تحويشة العمر وسبت مراتى واولادى الصغار وسافرت روسيا واتعلمت اللغة الروسية فى الجامعة ولا تتخيلوا كم كلفنى هذا (الكثير والكثير)
5_رجعت واشتغلت وربنا كرمنى واشتريت شقة وعربية وعملت حادثة كبيرة مازلت بسببها حتى الان مديون للبنك خاصة بعد افلاس شركة التامين ptmnlo123per144 ولكنى لم اقف !!!
6_كملت تعليم تانى وذاكرت سنتين تانين واخدت دبلومة الارشاد السياحى واصبحت مرشد سياحى -لكن بردة ده مش كل حاجة فيه مضايقات من اعداء النجاح والحاقدين
بس هانعمل ايه لازم نحاول ونصبر ونضحك
وكمان نرقص ptmnlo123per154 وصدقونى والله والله
العبد القوى خير واحب الى الله من العبد الضعيف ..وأوعى تنسوا أن اللى خلق العباد لم ينساهم وأنه أرحم بهم من الام على ولادها ..استغفروا الله واستعينوا به يجعل لكم مخرجا
