[Oussama]

المشاركة الأصلية كتبت بواسطة aimooo اولا ده موضوع جميل واتشرف باني اشارك فيه انا بتمني ان ثقافتنا كشعب مصري لازم نغيرها وندرس ازاي نغير سلوكياتنا للأحسن وازاي نخلي تفكرنا اقتصادي وده هيعودب النفع علينا كلنا وعلي بلدنا وكلامي ده هوضحه في اللي جاي يعني مثلا لما حصلت كارثة المفاعلات النوويه في اليابان البلد رجعت كما كانت في اقل من عام ونصف ده نتيجة ثقافة شعب وحكي لي احد الاصدقاء كان في زيارة لليابان ان في عز الكارثه دي وتوقف الانتاج كان كل فرد بيشتري احتياجاته فقط دون زياده للتخزين يعني مثلا اللي بيشتري الاكل بيشتري علي اد احتياجاته مش بيزيد علي اساس انه ممكن يحصل ظرف طاريء وبالتالي لم يحدث عجز في الغذاء في عز الازمه انما احنا بسم الله ماشاء الله في عز الثوره انا جنبي حوالي 3 سوبر ماركت كبير ساعت الثوره هذه الاسواق فضيت في ظرف يومين علشان كل واحد اشتري اكتر من احتياجاته خوفا من المستقبل وبالتالي دي ثقافه غلط لازم تتغير موقف تاني بيحصل معايا دايما انا املك سياره فيات 132 بحاله ممتازه (الملك لله وحده) في اكتر من شخص ومنهم المدير بتاعي يقولي ما تبعها وهتلك حاجه قسط زي اسبرانزا او سبراك او i10 ارد عليه واقوله ليه يقولي اشيك اقولو بس دي عندي برقبت اللي انت بتقوله ده كله مع احترامي لملاكهم اولا صيانتها مش مكلفه بالنسبالي زي الجديد اروح اغير شوية سيور وبوجيهات وزيت يقولي 1500 ده اكبر من ميزانيتي ثم ان ادائها اعلي من العربيات اللي في فئة 50000 الي 80000 جنيه يعني انا كنت في الغردقه من اسبوع طلعت اجازه انا والاسره وخدتها من قلب الجيزه لقلب الغردقه في اربع ساعات ونص ومع العلم كل اللي قابلني بفينا ولانوس وافيو اسبرانزا معرفش يعمل معايا حاجه انا اقل حاجه كنت ماشي 150 وكنت مسافر وع واحد معاه كارينز وماشي معاه راس براس وكمان كانت عربيته تعباه علشان هبطانه من الحموله انا مش بنقض الجديد لا الجديد جديد برده بس طالما امكانياتي اني اركب قديم يبقي خلاص اقتنع باللي معايا مثلا ليه واحد جاري واكتر من اخويا كان معاه 40000 ومصمم يجيب سيراتو 2012 وانصحه بلاش وهو مرتبه علي قده المهم استلف من باباه ودفع المقدمه وجبها قسط وبيدفع 1600 في الشهر وفي احد الايام اتصل بيا كان عاوز 50 جنيه سلف يحطلها بنزين علشان وراه مشوار بيها طب ليه كده كمان بثقافتنا الغلط خلينا عربيات ملهاش لازمه تبقي تمنها 60 و70 و80 الف جنيه وانتم عارفين سعرها في ليبيا مثلا عامل ازاي يعني اللوجان كانو قايلين انها داخله مصر تمنها لا يتعدي 40 الف ونظرا لمصالح ناس زي غبور ومنصور شيفروليه وصلوها ل 70 و80 الف وانتم عارفين ان عربيات زي الفيرنا واللانوس ال بي واي دي تمنها علي التوكيل ومن ناس شغاتلين هناك لا يتعدي 35000 الف وكمان بيقلو العربيات يعني كنت جايب لواحد صاحبي فيرنا 2009 والتسجيل والبطاريه والكاوتش وكماليات تانيه موجوده في الكتالوج ومش موجوده في العربيه يعني احنا بثقافتنا الغلط بنخلي الناس تضحك علينا بمزاجنا وبالنسبه لامكانيات عربيتي انا لما بسافر بوصل بيها ل 170 عادي جدا وكمان وانا راجع من الغردقه علي طريق السخنه كنت بشد مع باسات علي 180 وعربيتي اوسع كتير من عربيات حاليه وكمان هركبلها تكييف قريب اوي ان شاء الله وبحمل فيها ساعات لأكتر من 400 كيلو علي الكنبه ورا والشنطه وفيها موتور 2كامه يجر طياره وبالتالي امكانياتها مرضيه ليا تماما يبقي اروح اتفشخر وابعا واجيب اسبرانزا صيني مثلا a113 .زي المدير بتاعي مبيقولي وادفع اقساط وصيانه كل شهر لأ ابني اولا بالمصاريف دي واطلعه بني ادم مفيد وصالح انما لو معايا هجيب جديد مش من باب الفشخره والمنظره لا علشان ارتاح اكتر لو انا تعبان من عربيتي واجيب عربيه تستاهل يعني الماني مش صيني وكوري واخلي توكيل زي غبور ومنصور شيفروليه يبعولي عربيه بضعف تمنها معلش كترت عليكم بس علشان متضايق ان احنا اللي بنغلي الحاجه علي نفسينا وبنتعب نفسينا بنفسينا لصاحب الموضوع

انا فعلا عارف قوة عربية ال 132 ال 2000 بجد عربية توصلك القمر لو حبيت و انا اصلا بحترم العربية دى من زماااااااااااااان جداااااااااا و احسن ميزة فيها ان اسعرها مش غالية مقارنتا ب الادا و الشاهين

و اهم حاجة انك عارف عربيتك و بتعاملها زى ابنك و شكراا على ردك على الموضوع

المشاركة الأصلية كتبت بواسطة sayed2077 فعلا موضوع اكثر من رائع وفعلا يعتبر زى ام انا بفكر بمعنى مثلا انا عاوز لانوس ليه لانى كنت تعبان من ال 128 بمعنى الكلمه فى تصليح وكدا فبحثت لقيت اللانوس الاصلح مابين باقى العربيات بمعنى الصالون اوسع الرفاهيه اكتر لو حبيت احط بنزين 80 هحط فيها وهظبط الكمبيوتر بتاعها ومش هتقول لا اسعار قطع غيار رخيصه جدا وصنايعيتها كتييير جدااا واى حد بيشتغل فيها تيجى بقى ناس تقولك ما تجيب لوجان طيب يا جماعه محدش فكر اللوجان هيكون تكلفة قطع غيارها كام يقولك ما هى مش هتفتح بوقها غير بعد 4 او 5 سنين طيب ما الاربع خمس سنين دول ما هيخلصوا هيخلصوا وبعدين هيطلع عينى فى اسعار قطع الغيار او مثالا انا معايا موبايل 5800 نوكيا جايبه من سنتين ومبفكرش خالص اغيره مع انى عندى امكانية انى اجيب واحد تانى احدث بس بفكر بقول دلوقت ال 580 مكفينى وفيه كل اللى انا عاوزوا بمعنى انترنت وايرلس موجود وبدخل انترنت من اى روتر جى بى اس موجود وبيوصلنى لاى مكان بحتاجه بسهوله وتقدروا تقولوا بعد ربنا طبعا الجى بى اس ده ليه الفضل بعد ربنا انى بوصل اى مكان انا احبه فى مصر كلها بكل سهولة ويسر لانى للاسف مبحفظش طرق او بمعنى اخر بيبقى فيه طرق جديده اول مره اروحها بخلى الجى بى اس هو اللى يودينى هناك نيجى بقى لنا زى اصدقاء ليا مثلا فى الجامعه تلاقى الواحد منهم ماسك N 8 او N9 او احدث ايفون او احدث بلاك بيرى بس مبيستخدموش غير فى المكالمات والالعاب فقط ويجى يقولى ما تبيع العده اللى معاك وتجيب حاجه احسن طيب يا جدعان ما انا بستخدم كل امكانيتها ومقضيانى الحمد لله وعمرى ما اشتكيت منها يقولك ديه بقالها 3 سنين فى السوق طيب ياجدعان ما فيها كل اللى انا عاوزوا ههههههههههههههههههههههههه هههههه ففعلا انا مع قرارا تغلية البنزين مع العلم انى املك عربيه والقرار ده هيجى على دماغى بس احنا كشعب عنده ثقافة هدر كبيرة جداااااا وفشخره للاسف ملهاش حدود حتى اللى معاه 128 بيتفشخر بيها قدام الناس ههههههههههههه اه والله وممكن يجيبها يركنها تحت البيت ووالله اعرف واحد جايب 128 وعربيه تانية سوزوكى ربع نقل هو شغال بالسوزوكى وال 128 راكنها تحت البيت مبيخرجش بيها غير كل شهر مره ومثالا جه ماشى بالسوزوكى يبقى راكن ال 128 مكانها يجى يمشى بال 128 يركن السوزوكى مكانها ههههههههههه وبكده محدش هياخد المكان منه ربنا يشفى والله حتى امه العيانه بالمرض الخبيث مبيرضاش يوديها المستشفى وبيخلى اى حد من اخواته يوديها فى الموصلات طيب ما انت عندك عربيه وشغلك ملكك والناس ممشيه امورك مش هتخسر حاجه ربع ساعه تروح تودى امك المستشفى وربع ساعه تجيبها بس للاسف ذهب الحياء الى الابد وربنا يهدى الجميع

انت اتكلمك فى صميم الموضوع بجد هو ده اللى فى دماغى .. الشعب بيتمنظر و ممعهوش فلوس للمنظرة

و الله لو انا معايا حتى 3000 جنية اروع اجيب عربية 126 بدل ما اتهزق فى المواصلات

و ربنا يهدى الجميع

المشاركة الأصلية كتبت بواسطة aimooo انا ممنون لذوق حضرتك في الكلام واحترامك لمشاركتي وبالمناسبه انا سني صغير 26 سنه ومحاسب بس شقيت كتير واشتغلت صنايعي دوكو كذا سنه واتجوزت صغير ومعايا عبد الرحمن سنه عام واحد وحاليا مدير حسابات احدي الشركات التجاريه بالمهندسين بس السوق واللف علمني كتير وللأسف اللي بيبصلك بنظره مش كويسه زي عامل البنزينه اصلا هو مش قادر يجيب موتوسيكل حتي وتلاقيه مش لاقي وبيتنك مره دخلت بنزينة موبيل اللي في جامعة الدول قبل ميدان سفنكس داخل on the run لقيته بيقولي ممكن تركن بره المحطه بقوله ليه معرفش يرد عليا بس مسحت بكرامته الارض علشان مش عجباه شكل العربيه مع ان شكلها تمام مش مبهدله وانا بحبها نضيفه دايما وفي ناس كتير من المنتدي ركبوها معايا وعجبتهم زي هشام الجزار ومحمد صلاح القاضي وعلي فكره انا مش بكسف منها ودخلت بيها مره شيراتون دريم لاند وهيلتون جرين بلازا الاسكندريه ومنتجعات كتير في الغردقه عادي يعني انا دي بالنسبالي احسن من اي عربيه وبعمل فيها اللي ميتعملش ومبتكسفنيش اصلها مش بالشكل بالامكانيات و لحضرتك

و الله انت راجل محترم

و ربنا يهدى الجميع