[أيمن الروبي]

المشاركة الأصلية كتبت بواسطة tata33 عجبنى كلامك جدا وكان نفسى اعرف سنك لان الكلام ده يطلع من واحد كبير وان كنت اشك ان فى حد كبير فى السن يجيب السرعة العالية اللى انت مصورها دى مش عشان مايعرفش بالعكس السن الكبير يعنى خبرة كبيرة انما عشان لو عنده اسرة واولاد فبيخلى باله شوية ربنا يحفظك طبعا عربيتك 132 2000 انا ركبتها مع ناس اصحابى فى التمانينات فيها صالون قطيفة مالوش حل وشماسات فى الاجناب بتتسحب وعفشة كانك راكب الهوا وطبعا جنوطها الاصلية المروحة ربنا يبركلك فيها المهم عجبنى قوى الموضوع وحبيت اقول رايى انا معايا والحمد لله عربية زيرو لسه جايبها وقبلها برضه كان زيرو بجبها اركبها خمس او ست سنين وابيع وبعد ين طلع فى دماغى اجيب عربية صغيرة لجوه البلد فجبت 127 فيورا العربية نضيفة قوى يكفى تعرفوا انها فابريكة من بره المهم بعد ماجبتها وبدات اتحرك بيها لاحظت الاتى نظرات الناس اختلفت الاحترام قل شوية المعاملة مع الصنايعية اتغيرت يكفى انى اقولك ان بعضهم رفض يشتغل فيها خد بقى دى لما دخلت البنزينة امون طبعا فيه طابور ماشى تلاقى واحد بينده عليك ويشاورلك بصوابعه علامة النصر يعنى بيقولك الموجود بنزين 92 فانا استغرب مانا على طول بحط 92 (طبعا فى عربياتى التانية )المهم اطنش لحد ما اوصل عند الطلمبة فيقلى باستغراب دا 92 اقوله ماشى حط الموضوع ده اتكرر لدرجة اتنرفزت مرة وقلت للراجل عندك 95 فسكت المهم اللى عاوز اقوله ان الناس بقت بتبص للمظاهر اكتر عربيتك موبايلك ومبتخدش بالها من حاجات كتير يكفى اقولك ان العربية دى بترجعنى 30 سنة وتديك احساس جميل وتفكرك بايام تتمنى انها ترجع يبقى تستاهل ولا لا

انا ممنون لذوق حضرتك في الكلام واحترامك لمشاركتي وبالمناسبه انا سني صغير 26 سنه ومحاسب بس شقيت كتير واشتغلت صنايعي دوكو كذا سنه واتجوزت صغير ومعايا عبد الرحمن سنه عام واحد وحاليا مدير حسابات احدي الشركات التجاريه بالمهندسين بس السوق واللف علمني كتير وللأسف اللي بيبصلك بنظره مش كويسه زي عامل البنزينه اصلا هو مش قادر يجيب موتوسيكل حتي وتلاقيه مش لاقي وبيتنك مره دخلت بنزينة موبيل اللي في جامعة الدول قبل ميدان سفنكس داخل on the run لقيته بيقولي ممكن تركن بره المحطه بقوله ليه معرفش يرد عليا بس مسحت بكرامته الارض علشان مش عجباه شكل العربيه مع ان شكلها تمام مش مبهدله وانا بحبها نضيفه دايما وفي ناس كتير من المنتدي ركبوها معايا وعجبتهم زي هشام الجزار ومحمد صلاح القاضي وعلي فكره انا مش بكسف منها ودخلت بيها مره شيراتون دريم لاند وهيلتون جرين بلازا الاسكندريه ومنتجعات كتير في الغردقه
عادي يعني انا دي بالنسبالي احسن من اي عربيه وبعمل فيها اللي ميتعملش ومبتكسفنيش
اصلها مش بالشكل بالامكانيات
و لحضرتك