رد: سزوكى ماروتى ولا فيات128
سوزوكي ماروتي ياباني بتتجمع في الهند 800 سي سي من غير كماليات ( مش هينفع يتركبلها تكييف ) هاتشباك وشنطتها صغيره و قطع غيارها رخيصه و صيانتها سهله ( ده لو انت في القاهره او الاسكندريه ) وسعرها مستعمله في رينج العشرينات و ممكن تشوف موضوع متكامل عنها في قسم الياباني سوزركي ( سوزوكي ماروتي سياره الشعوب )
فيات 128 مكونات يوغوسلافي مش ايطالي زي زمان ( مش مضمونه ) و تقفيل مصري ( يادي القرف ) 1300 سي سي من غير كماليات ( ممكن يركبلها تكييف ) سيدان صغيره ( جدا ) قطع غيارها عند البقالين و كمان ممكن يشتغلولك فيها ( عربيه لوز ) بس عربيه ملهاش برستيج ( معفنه من الاخر ) بس ليها قابليه جامده للتعديل
رايي الشخصي :
خليك في الماروتي احسن عشان خاماتها انظف بس 128 محركها اكبر و اوسع شوف دماغك
لو الاعتماديه اهم حاجه عندك ( خليك في الماروتي )
و لو المساحه و المحرك اهم حاجه عندك ( خليك في ال 128 )
و لو كنت مكانك عليا و علي الماروتي
ومتنساش صلاه الاستخاره
و ابقي طمني عملت ايه
و 1000000000000000000000000 0 مبروك مقدما
|