[محمد صالح - المحامى]

المشاركة الأصلية كتبت بواسطة احمد سويلم قولى حضرتك عملت الشغل ده فين لان انت عارف الميكانيكيه عندنا فى اسماعيليه بيستسهلوا انا اول امبارح غيرت ميه الريداتير كلها لانها من يوم ماجيبت العربيه مغيرتهاش لكن طبعا كنت بزودها الراجل عاوز يحط الميه موبيل الجديده مع الميه القديمه ياعم ابوس ايدك نضف الريداتير يقولى يباشا مفيش صدا انت طول عمرك نضيف وبتحط ميه خضراء وصدقنى مفيش صداء ومتخافش انت فى ايد امينه الله يخربيت امك ياامينه المهم انه فى الاخر برضو حط الميه الجديده بدل الميه القديمه من غير الريداتير مايتغسل وعشان كده اديتلوا 5 جنيه بعد مكنا متفقين على 10 لللاسف مكنتش عارف ازاى اغير الميه وخوفت اعملها لوحدى لكن اتعلمتها خلاص الحمد لله اسف على الاطاله

========================= =
بالنسبة للريداتير
==========
فى شباب صنيعية على ضمانتى ( بما يرضى الله ) .
فى المحطة الجديدة عند مستشفى السبع بنات هما كذا شاب بس كلهم صنيعية
على فكرة المفروض حتى لو انت محافظ على الريداتير بيفكة وبينضف المواسير بتاعة لو محتاجة تنضيف
شكلك روحت عن واحد كسول
_________________________ __________
بالنسبة للفرامل
==========
الراجل الى انا بتعامل معاه دة ( فنان ) تخصص فرامل اسمه الاسطى محمد
داخلة شارع البحرى من على طريق بورسعيد ( الدايرى ) هتلاقى قهوة على الناصية فى الاول بعد السور على طول
بصراحة انا معرفش اقدر المصنعية بتاعته بس هو بيعمل الحاجة الصح وبضمير
وهتلاقى واحد بتاع ترصيص اسمه ايهاب
وهتلاقى عفشجى ( راجل محترم ) اسمه محسن .. فى نفس المنطقة برضو هو الى ظبطلى العفشة بتاعتى