[akerima]

انا معايا العربية من 2010 وعامل قرب ال 50000 محصلش الحمد لله اي حاجة من دي - لكن برضة معايا سانديرو 2011 وعاملة حوالي 20000 وتم تغير البوابة في التوكيل من اول 100 كيلو يعني بعد الاستلام علي طول وماقاعدش 3 اسابيع ولا حاجة اتغيرت اول لما ظهرت المشكلة مجانا ولله الحمد برضة ماشي بالجديدة بدون اي مشاكل

اي عربية جديده بيبقي فيها مشاكل لكن طالما التوكيل محترم وبيحلها انت حتقلق من ايه

احلي حاجة فعلا في التوكيل انه لما بيبقي عارف ان فيه حاجة بييجي منها مشاكل علي طول بيغيرها من غير مناقشات كتير

يعني مثلا موديل 2010 كان فيه مشكلتين بيظهروا باستمرار عضة المارشدير ودي هما اللي اتصلو بيا عشان اروح اغير مجموعة الدبرياش وبعدها اختفت تماما

وزرار الكالاكس كان بيبوظ ولما رحتلهم كان اسهل ما عليهم انهم يصلحوة لانه بيتصلح لكن فوجئت انهم غيرو دراع النور كله مجانا برضة عشان عارفين انه عيب شائع

طيب مادام الموضوع كده ايه بقي اللي يخوفني من اي حاجة تظهر في العربية وتكون الناس كلها اشتكت منها طالما لها حل انا مرتاح الحمد لله