للاسف صعب تلاقي واحد مجرب ال3 عربيات .. يعني عن نفسي هقول لسيادتك الام 11 طبعا
بس للامانه الجاك شكلها تحفه بجد عربيه فخمه كدا انما سمعت ان موتورها 1500 و 92 حصان دا اول شيء و كدا مش قوي اوي بس هوا تصنيع من ميتسوبيشي يعني قطع غيار ميتسوبيشي تركب عليه و اسم الموتور علي ما اتذكر 4g ثانيا اغلي من الليفان و من الاسبيرانزا ليه مش عارف المفروض السعر يبقي متقارب
ليفان توكيلها تبع السعودي جروب و دا كويس جدا و الناس بتشكر فيه بس شكل العربيه من قدام من رايي مش اوي و دي ازواق ممكن اللون اللي شوفتو يكون مش حلو عليها . بس موتورها 1600 سي سي قوي و عفشه تويوتا و بيقولو شاسيه كمان تويوتا و فيها 2 ايرباجز يعني كويسه جدا و سعرها مش بعيد اعتقد 77
الام 11 كويسه بس سواقتها ممكن تكون رزله حبه لحد ما تتعود عليها .. هيا ناعمه و كل حاجة و العفشه تمام مش ناشفه و مش طريقه و ثبات حلو بس ممكن ما تستريحش و انتا سايق .. حسيت بكدا اول مره سوقتها بس بعد كدا لقيتها حلوه لما اتعودت عليها ... و توكيلها مش اوي الصراحه زي بقيت التواكيل بس بحس انهم بيلكلكو و خلاص .. انما هيا كعربيه ف كويسه جدا موتور و عفشه و صاج و تكييف و التقفيل عندي كان الحمد لله تمام انما التوكيل ضايقني و خصوصا انه معرفش يعمل الزوايا