رد: اعتقال المجاهرين بالافطار فى نهار رمضان
أنا إللى أعرفه..إن فعلا فى نص قانونى يجرم المجاهرة بالإفطار
و ده من خلال قصة سمعتها من واحد صديق أثق فى إنه مش بيلفق قصص
حكى لى إنه مرة فى رمضان ..واحد صاحبه كان فالت عياره حبتين...أم صاحبه كلمته ساعة الفطار علشان يروح يطلع الواد من الحبس علشان فى ظابط قفشه مع واحد تانى بيشرب سجائر قبل الفطار شوية فى الشارع....و هى على فكرة بتكون جنحة و ليها غرامة كعقوبة....
و أنا أفتكر برضه إن فى عقوبة للجهر بالإفطار فى الشرع بس أنا مش عارف الحد بتاعها إيه...
لاحظ إن رجل الشرطة بيطبق القانون...بغض النظر عن توابع الجريمة من العقوبات ...
لو واحد اتمسك فى جنحة المجاهرة بالإفطار....إيه المانع يعنى فى تطبيق القانون...
أنا عرف إن الدنيا فيها بلاوى أكبر من كده بكتيير...بس ده مش معناه نعدى الصغير مادام الكبير بيعدى أحيانا كتيرة
و أخيرا أحب أفكر الجميع بالحديث الذى معناه أن ( كل الأمة معافى..إلا المجاهرين بالذنب )
|