المشاركة الأصلية كتبت بواسطة محمد حسني
السلام عليكم أستاذ/ أحمد سعد
جزاك الله خيرًا على الرد الوافي، والجواب الكافي،
بس ائذن لي في كم استفسار آخرين:
- ما هو مدى اعتمادية العربية (Reliability)، العربية كموتور وفيتيس وعفشة تمام بغض النظر عن مشاكل التقفيل البسيطة؟
- هل قطع الغيار معمرة، هل في مستوى الكوري مثلاً من حيث طول مدة الخدمة، أم أفضل؟
- ما هو معدل استهلاك البنزين، هل هو في المستوى المعقول، أم سفاحة بنزين؟
بُوركت على الرد مقدمًا، وأرجو ألا أكون مُثقل عليك بكثرة التساؤلات.
محمد حسني
|
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ
اسف جداً علي التأخير يا باشا....
اولا بالنسبة لمستوي اعتمادية العربية ممكن تقول انها متفوقة علي الكوري الحاجة الوحيدة اللي الكوري متفوق فيها هي السحب. لكن البروتون كموتور وعفشة و الفتيس تمام و زي الفل بس وانت سائق العربية ممكن تحس ان في عربيات تعبانة بتعديك و تتطلع منك بس الكلام دة كلة جوة البلد ودة طبعاً بسبب ان العربية ثقيلة - بس بقي تاخد احلي اداء و اجمل ثبات و افضل عزل علي الطرق السريعة او الداخلي الفاضي.
بالنسبة بقي لاستهلاك البنزين اقدر اقولك ان استهلاكها عالي شويه مقارنة بالكوري ومش عارف السبب ايه بالظبط يعني مثلا انا ال 20 لتر داخلي ممكن يمشوني 180 او 190 كم بس وانا مسافر بس السرعة من 100 ل 130 ممكن يمشوني من 210 كم ل 230
اما قطع الغيار مقارنة بالكوري فهي اغلي شوية بس اكيد عمرها اطول لانها مش بتتصنع فالصين.
ولو في منها صيني ياريت تبعد عنه تماماً -
تحت امرك يا كبيييييير و بعتذر عن التأخير مرة اخري.
ولو اي استفسار تاني انا موجود
.