المشاركة الأصلية كتبت بواسطة khaledabdelnaby
السلام عليكم ورحمة الله وبركاته
جهد لا يقدر بثمن 
استفسارى انا لسه جديد فى عالم السيارات وعاوز اجيب سيارة مستعملة او زيرو
اوتوماتيك عائلية بتاعة شغل عشان هتشقى معايا تكون صالون واسع وشنطة حلوة عشان السفر يفضل تكون سنة الصنع قريبة واعادة بيعها كويسة ويفضل اليابانى ان امكن ( مش مهم اوى المهم متكونش صينى) صيانتها وقطع غيارها سهلة ومتوفرة بسهولة ومش غالية اقصى امكانياتى فى الزيرو 100 الف والمستعمل من 30 الى 50 الف بالكتير
واهم حاجة تناسب الطرق المصرية
انا بسمع كلام كتير وكل واحد برأى والاسعار كلها قريبة من بعضها انا قولت اللى انا عاوزه
رأى الخبراء زى حضرتك يهمنى طبعا
اعتذر عن الاطالة والازعاج |
اولا اهلا بيك يا باشا بمنتدى مصر موتورز
******************
بالنسبه للزيرو عندك الاتى :-
************************
هيونداى فيرنا فول اوبشنز اوتوماتيك ب 86 الف جنيه مصرى
نيسان صنى الجديده فول اوبشنز اوتوماتيك ب 100 الف
رينو لوجان فول اوبشنز اوتوماتيك ب 80 الف
بروتون بيرسونا فول اوبشنز اوتوماتيك ب 95 الف
ده كده اللى متوفره بالمبلغ المحدد زيرو و اوتوماتيك
طبعا فيه موديلات اخرى بالسعر ده بس مقولتهاش علشان منوال
************************* *
بالنسبه للمستعمل حتى 50 الف زى ما سعادتك محدد عندك الاتى :-
******************
اوبل استرا 2003 اوتوماتيك
دايو نوبيرا 2005 اوتوماتيك
رينو كليو 2008 اوتوماتيك
هيونداى فيرنا 2004 - 2005 كورى اوتوماتيك
او 2006 - 2007 مصرى اوتوماتيك
************************* ****
على فكره لو نفس مبلغ الزيرو اللى هو ال 100 الف كم
ممكن يجيبلك حاجات مستعمله و حاجات عاليه
زى الاوكتافيا و الجيتا
والكورولا و الحاجات دى
لو عاوز استعمال او كسر زيرو اوتوماتيك بالتمن ده انا تحت امرك
تحياتى