[AHMEDCAR]

مش عارف اقولك ايه يا دكتور و الله

انت جيت على الجرح و الله

طيب هاقولك على موقف حصل معايا علشان تعرف ان قليل البخت يلاقى

واحد قريبى كان عندى فى زياره و عربيته باظت فطبعا عرضت عليه انى اوصله بيت و وفى الطريق المدام بتاعته سالتنى مش ناوى تتجوز بقى يا ابو حميد قولتلها و الله بدور بس لسه مش لاقى بنت الحلال

المهم قالتلى قولى مواصفاتك ايه على اساس انى بشترى عربيه و بحدد المواصفات ايه قولتلها اللى انا عاوزه و اهم حاجه

انها تكون متدينه و تعرف ربنا كويس مش مجرد حجاب لبساه فقط للمنظر

مافيش 3 ايام و لقيتها بتكلمنى و قالتى انت تشرفنى الاسبوع القادم ان شاء الله اخت زميلتى جايالى زياره و تعالى كانك جاى زياره عادى و يمكن ربنا يكرم ان شاء الله

مخبيش عليك حسيت ان فى خير فى الموضوع ده او يمكن ربنا خلى عربيته تتعطل علشان يدور الحوار ده بينى و بين زوجته

المهم مكدبتش خبر و روحت فى الميعاد المتفق عليه و بما انى واخد على قربى ده قوى

اول مدخلت الشقه عنده دخلت على المطبخ على طول على اساس يعنى ان اتفاجاءت ان فى ضيوف عنده و كده

اقوم الاقى ايه (تبارك الله فيما خلق ) بجد انا كنت هاقول لقريبى انت عرفت تجيب طلبى ازاى يعم انت هو انت كنت قاعد فى دماغى و عارف المواصفات اللى انا بدور عليها

و قعدنا مع بعض و اتكلمنا كتير و طبعا على اساس انى رايح ازور قريبى و الكلام اخد بعضه و فى و سط الكلام لقيتها بتقولى اصل خطيبى

انا سمعت الكلمه دى و جالى ازبهلال رسمى و كنت هاقوم على ام رائس قريبى هو و مراته و اولع فيهم اه و الله

قومت واخد الكلمه و بلعها و رجعت بخفى حنين الى بيتى

ممكن بقى يادكتور تقولى اعمل ايه علشان انسى الوجه الملائكى اللى انا شوفته ده

لحسن انا حاسس انى هاكون زى صاحبنا اللى فى الفيديو ده

بس انا مش فاهم حاجه من الفيديو ده غير اسم خطيبته اللى اهله مش عاوزيين يعزموها فى البيت

ياترى هما مش عاوزيين يعزموها ليه

ممكن تكون بتاكل كتير ولا حاجه و لا مصاريفها كتير