المشاركة الأصلية كتبت بواسطة borio1704
على فكرة ... انتو عمالين تسخنو في نفسكو وخلاص، ومحدش بيبص إلا تحت رجليه
خلينا نتفق الأول على إن فكرة الدعم في بلد ضعيفة اقتصاديا زينا فكرة فاشلة بكل المقاييس... الله يخرب بيتك يا عبدالناصر...
الدعم يعتبر مسكن لمشاكل الناس.. مش حل عشان الناس تعيش كويس
وأنا مقتنع إن الدعم هيجيله يوم ويتشال... إن آجلا أو عاجلا... الموضوع عامل زي لما تبقى عيان وتاخد دوا مر.... مش عايزين ناخد الدوا ... بس لازم يتاخد
وانا مقتنع في نفس الوقت إن عشان تعمل حركة زي دي يبقى لازم كمان الضرايب والجمارك والرسوم والدمغات ... وكل صور الاستغلال الحكومي لازم هي كمان تتشال
حد عارف إن الجمارك على العربيات الـ1600 قيمتها حوالي 70% زيادة عن سعرها الحقيقي؟؟؟
أنا عن نفسي أوافق إن البنزين يبقى بـخمسة جنيه مقابل إن العربية أم 140 ألف جنيه تبقى بـ80 ألف بس
وبالنسبة للعربيات القديمة... ممكن مثلا ياخدو بنزين مدعم بقيمة الجمرك... إيه رأيكو؟؟
...
|
ايوه يا باشا ما هو ده اللى بنقوله محدش عايز الدعم ولا الحال دلوقتى صح كلها اوضاع مقلوبه بس مصلحهاش بوضع غلط تانى
احنا بنقول الضرائيب تبقى معقولة والمخالفات والرسوم وغيره يبقى فى المعقول ونشوف قيمة اللى بندفعة فى الطريق والخدمة العامة ويشيل الجمارك ويشيل الدعم