المشاركة الأصلية كتبت بواسطة سعيدعمر
معلش يا بشمهندس ليا استفسار لو سمحت
ايه هيا الضمانات اللى حضرتك بتقول عليها
يعنى ايه اللى يضمن لى انه السيارة تروح مترجعش وانت عارف مصر ام الدنيا وكبيرة
وعلى فكرة حصلت كتير وتبخرت السيارة
آسف على الاطالة بس عشان الكل يستفيد
على فكرة انا مش قصدى حضرتك خالص انا قصدى المستأجرين اللى حيسوقوا العربية
|
طب يا بشمهندس ايه الضمانات اللي صاحب العربيه بياخخدها من سيادتك عشان يكون مطمن ؟؟؟
وبالنسبه للعقد لو افترضنا انه 4 سنين ايه اللي يضمن انه مش بعد سنه ترجع العربيه لصاحبها ؟؟
واخر سؤال لو العربيه عملت حادثه كبيره وليكن خبطت ف عربيه تانيه وصاحب العربيه التانيه مااات الطبيعي ان عشان التأمين يصرف لي تعويض يبقي انا اكون سايق وطبعا عشان اعمل محضر اني انا اللي كنت سايق مصيبه ممكن اتسجن فيها عشان اللي مات او ادفع تعويض لاهله يعني هنا يا البس نفسي مصيبه يا اما التامين مش هيدفع ايه المخرج هنا ؟؟؟؟؟
اسف ع الاطاله وارجو انك تجاوبني عن اسئلتي لاني موضوع التاجير ده داخل دماغي قوووي بس ال3 نقط دول هم اللي بيخلوني متردد وشكرااا